Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Дилшод машина ойнасидан тиржайиб: Ҳа Севинчой ялангоёққа тегиб, ўзингизам адойи тамом бўпсизку. Ёрдам пордам керакмасми?
Севинч: Йўлингдан қолма, биров сендан ёрдам сўраяптими?
Дилшод: Камбағалларга қойил қоламанда, отдан тушишса ҳам эгарига маҳкам ёпишиб олишади. Юравер отни эгарида осилииииб.... деганча хохолаб кулиб ўтиб кетади.
Севинч ёшланган кўзларини артиб: Нега одамлар бунақа экана, бор бўлса кўролмайди, йўқ бўлса беролмайди. Сенга биров нолияптими? Ҳали бизни кўчада ҳам байрам бўп қолар. Ахир умримизни охиригача шундай қийналиб ўтмаймизку. Мен севгимдан кечмай тўғри қилдим. Ҳали буни мукофотини албатта кўраман... деганча кўз ёшларини сидириб, йўлида шахдам давом этади... ЗТМ...
13 – ЭПИЗОД.
Кадрда Жавоҳирни бир хонали уйи.
Эшик жиринглайди. Севинч эшикни очади. Кайфиятсиз бўлсада, лекин эрини олдида кулиб турибди.
Севинч кулимисраб: Ассалому алайкум Жавоҳир ака, яхши келдингизми?
Жавоҳирни кайфияти зўр: Севинчим мени табрикла, қандолатчилик цехи бўйича лойиҳам тендердан ўтди. Менга банкдан ўз бизнесимни ривожлантиришим учун маблағ ажратадиган бўлишди.
Севинч хурсанд, кўз ёшларини тия олмай: Ростанми? Наҳотки энди бизни ҳаётимиз ҳам яхши томонга ўзгаради.
Жавоҳир: Ҳа жоним. Энди ҳаммаси бошқача бўлади. Бугуноқ бориб, иккимиз цех қурилиши учун жой қараймиз.
Севинч: Ростанми? Наҳотки?
Жавоҳир: Ҳа секин аста оёқа туриб оламиз. Ҳаммаси учун сенга раҳмат. Қадимгилар тўғри айтишган экан, ҳар қандай эркакни ортида кучли аёл турсагина у ютуқларга эришади деб. Мен сен туфайли ўзимда куч топиб, қўрқмасдан олға силжиб, янги ишга бел боғлаяпман.
Севинч қувонч кўз ёшарини артиб: Мен сизга доим ишонганман. Ойимни, қариндошларимни олдида юзимни ёруғ қилишингизга ишонардим. Энди бизни устимиздан кулганларни ўзлари уялиб қолишади ҳали.
Жавоҳир: Иншоолоҳ айтганинг келсин.
Севинч: Юринг ойимни уйларига бориб, бу қувончли хабарни айтамиз.
Жавоҳир: Ҳали бироз вақт бор. Ҳозирча ҳеч кимга индамаймиз. Аввал цех учун жой топиб, қурилиш ишларини бошлаб, цехни ишга туширайлик. Кейин хабар топишар.