Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Севинч уни бағрига бошини қўйиб: Мен сига ишонаман Жавоҳир ака. Сизни қўлингиздан албатта келади. Ҳали биз ҳамма ҳавас қиладиган энг бахтли оила бўламиз... ЗТМ...
11 – ЭПИЗОД.
Кадрда Гулзода опани уйи.
Гулзода опа ўйланиб ўтирибди. Набираси Сабина нимадир еб ўтирибди.
Ёнига қизи Осиё келади: Ҳа ойи, нималарни ўйлаб ўтирибсиз?
Гулзода опа: Эй нимасини айтасан. Бугун синглингникига боргандим. Уйлари ўша ўша, на таъмир бор. На бирорта мебеь ҳарид қилишмаган. Музлатгичини очсам ичи бўм бўш. Ичларим бирам ачиниб кетди. Яна шунақа шароитда шунақа бахтли, юзлари кулиб турибди.
Осиё: Рўзғори бут бўлмасаям севадиган эри бор. Шунинг учун ҳам у бахтли ойи.
Гулзода опа: Ҳайрон бўп қолдим болам, ахир одам қандай қилиб фақат севги билан оч қоринга яшаши мумкин. Бир пайт эри ҳам сеткада нимадир кўтариб келди. Шу арзимаган нарсани кўриб, синглингни хурсандлигини кўрсанг эди. Даданг эса бир сетка нарса кўтариб келса ҳам менга доим кам кўринган. Жеркиб олиб келган нарсангиз бори шуми, бундоқ бошқа эркакларга ўхшаб тўлиб тошиб рўзғор қилиб келсангиз бўлмайдими деб жеркиб берардим.
Осиё: Чин севги одамни йўқчиликка ҳам кўндирадими дейманда. Шунинг учун ҳам синглим, оиласидаги камчилигини ҳечам бизга айтмайди.
Гулзода опа: Қайдам, балки шундайдир. Лекин аниқ биламан, шунча вақтдан бери ўзини эплолмаган бу йигит, боласи туғилгач ҳали боши қийинчиликдан чиқмай, бўйнимизда ўтириб олишмаса бўлди.
Осиё: Нима қилардик, шунақа бўлса, ёрдамалашамизда.
Гулзода опа: Бекорарни ўйлашибди. Рўзҳор аравасини қандай тортса торсин. Аҳмоқ синглингни бир кўзи очилсин. Онага қарши чиқиш қанақалигини бир кўриб қўйсин... ЗТМ...
12 – ЭПИЗОД.
Кадрда кўча плани.
Севинч қорни катталиги билиниб қолган. Кўча бўйлаб оддийгина кийимда кетяпти. Ёнидан бир пайтлар уни севган Дилшод машинасида керилиб ўтиб кетяпти. У қизни кўриб таниб тўхтайди.