Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Гулзода опа кухняга чиқиб музлатгични очиб кўради. Музатгични ичи деярли бўм бўшлиги кўрсатилади.
Гулзода опа: Музлатгични ўчириб қўйсанг ҳам бўлади, бекорга токни олиб ётибди. Ачиб чирийдиган нарсани ўзи йўқку бу ерда. Вой болама ўз бахтигга ўзинг болта урдинга. Ана Дилшод ҳам уйланиб кетди. Хотинини янги машинасида ял ял товлантириб олиб юрибди. Сени аҳволингни қара.
Севинч: Ойи мен сизга ҳаётимдан дийдиё қиаётганим йўқ. мен бахтлиман. Ҳаммаси яхши. Майли рўзғорим бадастир бўлмасин, кундалик таомимни нарсасини кунда олиб келиб таом қилсак ҳам, муҳими севикли инсоним олдимда. Менга бундан бошқа бахт керакмас. Эсон омон фарзандимиз туғилса ҳаммаси яхши бўп кетади.
Гулзода опа: Бола соғ омон туғилиши учун ҳам витаминглар керакку ахир. Қуруқ нон кавшаб туққан боланг қандай туғиларди.
Шу пайт эшик жиринглаб қолади.
Севинч тезгина эшикни очади. Эшик олдида қўлида бир сеткача керакли егуликларни кўтарганча Жавоҳир турарди.
Севинч дарров эрини қўлидан сеткани олиб: Ассалому алайкум Жавоҳир ака, яхши келяпсизми?... деганча сетка ичига кўз югуртиради.
Севинч: Вуй кеча егим келган нарсаларни опкелдингизми? Қандоқ зўр, рахмат сизга. Вой ойим келгандилар, юринг.
Жавоҳир ичкариги хонага киради. Салом беради.
Гулзода опа зўрға алик олади: Куёвбола қизимни қийнаб қўйибсизку, музлатгичингиз бўм бўш.
Севинч: Ойи ортиқча гап сўзни кераги йўқ, мен сизга нолиганим йўқку.
Жавоҳир: Гапларингиз тўғри ойи, қизингизни бахтли қилиш, рўзғорни бадастир қилиш учун яна иккита иш олдим. Ҳали ҳамаси яхши бўп кетади.
Гузода опа юзига фотиҳа тортиб: Майли бўлмаса ўша яхши бўп кетганда келарман унда. Лекин бу ҳали бери бўлмаслиги аниқ. Эссиз қизим сизга... деганча эшикни қарсиллатиб ёпиб чиқиб ктади.
Севинч: Жавоҳир ака ойимдан ҳафа бўлманг. Биласизку феълларини.
Жавоҳир: Мен ойингданмас, ўзимдан ҳафаман. Ойинг ҳақлар. Хавотир олма, ҳаммаси яхши бўп кетади. Сен қиз бола бошинг билан мен учун шунчалик курашиб, турмушга чиқдингку, мен эркак бўла туриб қараб ўтираманми? Мен тижорта курсларига ўқишга қатнашни бошладим. Ҳадемай ишларим юришиб кетади жоним. Сен озроқ чидагин. Доставкачиликни ташлайман. Ўз бизнесимни бошлайман.