|
338
XALQARO MIQYOSIDAGI ILMIY-AMALIY KONFERENTSIYA MATERIALLARI
миллатимизнинг урф-одат ва анъаналарига зид келувчи ҳатти-ҳаракатларнинг аҳоли, айниқса
ёшлар ўртасида пайдо бўлаётгани бунга мисол бўла олади. Буларнинг олдини олиш ҳозирги
кунда жамиятимиз олдидаги муҳим ва долзарб вазифадир.
Қадриятлар катта ижтимоий-сиёсий, фалсафий, тарбиявий аҳамиятга эга экан, улар
ўтмиш билан ҳозирги кунни боғлаб туради. Шу туфайли унда миллатнинг тарихи, унинг
ўтмиш ҳаёти, маданияти гавдаланади. Шунинг учун ҳам ҳар бир сиёсий тузум, ҳар бир
давлат қадриятлардан ўз мақсади, манфаати йўлида фойдаланиб келган ва ҳозир ҳам шундай
бўлмоқда.
Қадриятлар ўз-ўзидан бевосита инсоннинг маънавий қиёфаси, турмуш тарзи,
умуман жамият тараққиётини белгилай олмайди. Қадриятларнинг аҳволи, аҳамияти, инсонга
кўрсатадиган таъсири, унинг истиқболи, у ёки бу жамиятда мавжуд ижтимоий тузум
томонидан олиб борилаётган сиёсат, унинг манфаатлари билан узвий боғлиқдир. Буни биз
ўзбек халқи миллий қадриятларининг ўтмишдаги ва ҳозирги ҳолатидан яққол кўришимиз
мумкин.
Баркамол ёш авлод тарбияси давлат сиёсатига айланган бир даврда, ҳар қачонгидан
ҳам долзарблашган жамиятда ёшларнинг маънавий-ахлоқий тарбиясини тўғри
шакллантириш ва турли ғоявий таъсирларга қарши таҳдидбардошлигини таъминлаш айни
вақтда муҳим амалий аҳамият талаб этмоқда. Демак, ёшларнинг мухим эҳтиёжлари тизимида
ахлоққа бўлган интилишларининг ўрни бирламчи аҳамият касб этади ва бу эса ўз навбатида
уларда оқилона эҳтиёжларни шакллантиришга хизмат қилади. Шу ўринда Президентимиз
Шавкат Мирзиёевнинг “Бизни ҳамиша ўйлантириб келаётган яна бир масала – бу
ёшларимизнинг одоб-ахлоқи, юриш-туриши, бир сўз билан айтганда, дунёқараши билан
боғлиқ. Бугун замон шиддат билан ўзгараяпти. Бу ўзгаришларни ҳаммадан ҳам кўпроқ ҳис
этадиган ким-ёшлар. Биз киммиз, қандай улуғ зотларнинг авлодимиз, деган даъват қалбида
доимо акс-садо бериб, ўзлигига содиқ қолишга ундаб турсин. Бунга ниманинг ҳисобидан
эришамиз? Тарбия, тарбия ва фақат тарбия ҳисобидан” деган ташвишли сўзлари бугунги
кунда ёшлар тарбиясида кузатилаётган миллий тарбиямиздан узоқлашиш ва турли тарбия
таъсирлари (интернет тарбияси) ўрамига тушиб қолишни олдини олишга булган даъватдир.
Бу борада мамлакатимизда ёш авлоднинг ахлоқий тарбиясига алоҳида эътибор қаратиш,
уларнинг юксак маънавият эгаси бўлиб тарбияланиши учун зарур шарт-шароитлар яратиш ва
шу ўринда жамоатчилик назоратини кучайтиришга катта эътибор қаратилмоқда.Ўзбекистон
Республикаси Президентининг “Маънавий-маърифий ишлар самарадорлигини ошириш
бўйича қўшимча чора тадбирлар тўғрисида” 2019 йил 3 майдаги ПҚ-4307-сонли қарори,
Вазирлар Махкамасининг 2019 йил 31-декбрдаги 265-сонли “Узлуксиз маънавий тарбия
концепсиясини тасдиқлаш ва уни амалга ошириш чора тадбирлари тўғрисидаги” қарорлари
шу ўринда муҳим ҳуқуқий асос бўлиб хизмат қилади.
Миллий жиҳатдан ўзлигини таниган шахс миллатини, Ватанини, унинг ўтмиш
тарихини, адабиёти, санъати ва маданиятини билиши, улуғ аждодларининг ақлу заковати ва
ҳаётбахш меросига муносиб бўлишга ҳаракат қилиши зарур. У Ватанни ўзгача меҳр билан
севиши, у билан чексиз фахрланиши керак.Бу борада маънавият инсон ҳаётида унинг
турмушига мазмун ва моҳият бағишлайди. Юксак маънавият ва маданият соҳиби бўлган
инсоннинг қалби пок, сўзи билан иши бир бўлади.
Маънавият – инсоннинг ҳаёт тажрибаси, меҳнати, билими, ахлоқ-одоби, авлодлар
тажрибаси асосида шаклланиб боради. Маънавият инсоннинг ҳаёти ва фаолиятига мақсад ва
йўналиш беради. Маънавият инсоннинг ўз халқи тарихини, унинг маданиятини чуқурроқ
билиши ва тушуниб етишига ёрдамлашади. Инсон маънавиятсиз яшай олмайди. Маънавият
алоҳида бир инсон учунгина эмас, жамики одамлар учун ҳам, халқ, элат ва миллат учун ҳам
ўта зарур ва муҳимдир. Маънавиятсиз инсон бўлмаганидек, маънавий
етук, ахлоқан пок ва мукаммал инсонларсиз жамият ва миллат ҳам бўлмайди.
Инсон маънавияти жамият, давлат ва миллат маънавияти билан узвий боғлиқ.
BOSHLANG‘ICH TA’LIMGA XALQARO BAHOLASH DASTURLARINI JORIY ETISHNING ISTIQBOLLARI
Do'stlaringiz bilan baham: |
