Сборник докладов республиканской научно-технической конференции значение информационно-коммуникационных

ИЛМИЙ ДАРАЖАЛАР БЕРУВЧИ ИЛМИЙ КЕНГАШЛАР ЯГОНА
ПОРТАЛИНИ ИШЛАБ ЧИҚИШНИНГ АҲАМИЯТИ 
О.Қ. Маҳманов (доцент, Муҳаммад ал-Хоразмий номидаги ТАТУ) 
Глобаллашув шароитида ахборотни қабул қилиш, қайта ишлаш ва 
тизимлаштириш каби жараёнларни ахборот-коммуникация технологиялари 
орқали амалга оширилиши рақобатбардошлик даражасини таъминловчи 
асосий омиллардан бири сифатида намоён бўлмоқда. Бунда ахборотга 
тегишли барча жараёнларни стандартлаштириш ва рақамлаштириш орқали 
фойдаланувчиларга ахборот олишнинг қулай, оптимал ва кам вақт сарф 
қилиш имкониятини яратишга эришилади.
Шу жиҳатдан ҳам илмий даражалар берувчи илмий кенгашлар фаолия-
тида қонунийлик, холислик, очиқлик, шаффофлик ва тезкорлик принциплари 
асосида фаолият олиб боришини ёритиб боришда Олий аттестация комиссия- 
си (ОАК) веб-сайти таркибида шакллантирилган “Илмий даражалар берувчи
илмий кенгашлар ягона портали”нинг аҳамияти муҳим ҳисобланади.
Маълумки, илмий даражалар берувчи илмий кенгаш - муайян фан 
тармоғининг тегишли ихтисосликлари йўналишида талабгорлар учун кўзда 
тутилган аттестация тадбирларини амалга оширишни ташкил этиш юзасидан 
Вазирлар Маҳкамаси ҳузуридаги ОАК қарори билан олий таълим ёки уларга 
тенглаштирилган муассаса ёҳуд илмий-тадқиқот ёки унга тенглаштирилган 
муассасаси ҳузурида муайян муддат давомида жамоатчилик асосида фаолият 
кўрсатиш учун тузилган илмий-ташкилий тузилма ҳисобланади. 
“Илмий кенгаш портали”нинг вазифаси қуйидагилар ҳисобланади: 
– илмий даражалар берувчи илмий кенгаш тўғрисидаги маълумотларни 
тақдим қилиш; 
– илмий кенгаш аъзолари тўғрисида маълумотлар тақдим қилиш; 
– илмий кенгаш билан боғланиш маълумотларини тақдим этиш. 
– илмий кенгаш саҳифасида диссертация муҳокамалари тўғрисидаги 
эълонларни тақдим этиш; 
– илмий кенгаш саҳифасида ҳимоя ҳақидаги эълонларни тақдим этиш; 
– илмий кенгашда ҳимоя қилганларнинг рўйхати ва уларнинг авторефе-
ратлари ҳақидаги маълумотларни тақдим қилиш; 
– илмий кенгаш фаолияти бўйича турли кесимдаги статистик маълумот-
ларини тақдим қилиш. 
“Илмий кенгаш портали”ни яратиш ва жорий қилишдан асосий мақсад 
қуйидагилар ҳисобланади: 
- илмий кенгашлар фаолияти шаффофлиги янада ошириш; 
- илмий кенгашларга оид маълумотлар комплексини унификациялаш ва 
фойдаланувчиларга уларни олишда қулайлик яратиш; 
- илмий кенгашлар фаолияти бўйича талабларнинг ягоналигини 
таъминлаш; 
- илмий даражалар берувчи илмий кенгашнинг илмий котиби учун 
фойдаланувчи профилини яратиш. 

---

413 
“Илмий кенгаш портали”ни қуйидаги ташкил этувчи модуллардан ўз 
ичига олади:
1.
“Илмий кенгаш тўғрисидаги маълумотлар” модули.
Тизим админис-
тратори томонидан илмий кенгаш рўйхатдан ўтказилгач, илмий кенгашнинг 
илмий котиби томонидан илмий кенгаш тўғрисидаги маълумотлар шакллан-
тирилиб борилади.
2.“Илмий семинар ўтказилиши тўғрсисидаги эълонлар” модули. 
Диссертация бажарилган муассаса томонидан диссертацияни муҳокамадан 
ўтказиш натижалари бўйича ижобий хулоса берилганда, изланувчи 
томонидан муассаса раҳбарининг кузатув хати билан Илмий кенгашга 
дастлабки экспертизадан ўтказиш учун аттестация иши тақдим қилинади. 
Тақдим этилган ҳужжатлар Илмий кенгаш раҳбарияти томонидан меъёрий-
техник экспертизадан ўтказилиб, унинг ижобий натижасига кўра қабул қилиб 
олинади ва дастлабки экспертизадан ўтказиш учун Илмий семинар раиси ёки 
илмий котибига етказади. Илмий котиб томонидан илмий семинар 
ўтказилиши тўғрисидаги эълонлар тизимга жойлаштирилади. 
3. “Ҳимоя ҳақидаги эълонлар” модули.
Илмий кенгашнинг илмий котиби 
томонидан ҳимоя ҳақидаги эълонларнинг ҳимоя санаси ва вақти аниқланиб, 
ҳимоя ҳақидаги эълонлар жойлаштирилиб борилади. 
Ушбу модулдаги маълумотлар шакллантирилгандан сўнг, диссертация-
лар ҳимоялари ўтказилиши тўғрисидаги эълонлар илмий кенгаш порталида 
пайдо бўлади. Бу орқали эса ёш тадқиқотчи ва изланувчиларга диссертация 
ҳимоялари ўтказилиши тўғрисидаги ахборотларни олишда қулайлик яратиш 
ва ушбу диссертация ҳимоясида иштирокчи сифатида қатнашиш каби 
мақсадларга эришилади. 
4.“Диссертация авторефератлари” модули.
Талабгорлар диссертация 
ҳимоясидан кейин илмий даражаларда тасдиқлангач, илмий кенгаш 
саҳифасида илмий даражаларда тасдиқланганлар саҳифасида пайдо бўлади. 
5.Тизим администратори модули.
Тизимнинг ишлашини назорат қилиш, 
таълим муассасалари ва илмий ташкилотларни рўйхатдан ўтказиш, фан 
тармоқлари, ихтисосликлар рўйхатини шакллантириш ва янгилаб бориш, 
илмий даражалар берувчи илмий кенгашларни рўйхатдан ўтказиш ва янгилаб 
бориш, илмий кенгашнинг илмий котибларига фойдаланиш ҳуқуқини бериш, 
тизим фойдаланувчиларини бошқариш, илмий котиблар томонидан илмий 
кенгашлар тўғрисидаги маълумотлар тўлдирилишини назорат қилиб бориш 
каби амаллар бажарилади. 
6. Қўшимча модуллар
(ёрдамчи маълумотларни шакллантириш, лўғат-
сўзлар, қидириш, ҳисобот, архивлаш). Ушбу модулда тизим учун керакли 
ёрдамчи маълумотномаларни киритиш, таҳрирлаш, тизим интерфейсининг 
тили учун керакли калит сўзлар ва уларнинг таржималари сақлаш, тизим 
интерфейсларидаги маълумотларни филтер қилиш, калит сўзни киритиш 
орқали қидириш, илмий кенгашнинг фаолияти бўйича турли кесимдаги 
ҳисоботларни шакллантириш каби амаллар бажарилади.

---

414