Saylovga tayyorgarlik ko‘rish va uni o‘tkazish davrida jamoat tartibini ta’minlash. Jamoat xavfsizligi universiteti Maxsus huquqiy fanlar va harbiy diplomatiya kafedrasi o’qituvchisi, F. F. Rizoyev

Jamoatchilik ishonchi- ichki ishlar va milliy gvardiya xodimlari inson huquq va erkinliklarini himoya qilishi, hurmat qilishi, saylovga oid qonun hujjatlariga rioya qilishi, har qanday ko’rinishdagi qonun buzilishlarini bartaraf etish va oldini olish uchun zudlik bilan choralar ko’rishi, professionallik, halollik prinsiplariga rioya qilishi shart.

Ichki ishlar va milliy gvardiya xodimlarining saylov jarayonidagi vazifalari:

-uchastka saylov komissiyasining kundalik ish faoliyati tugaganidan keyin saylov o’tkaziladigan binolar va hududlarni qo’riqlashi;

-ularga tutash hududlarda jamoat tartibini saqlashi;

-okrug va uchastka saylov komissiyalari a’zolari kuzatuvi ostida saylov natijalariga oid hujjatlarni tashishda ko’maklashish;

-fuqarolar bilan muloqatda xushmuomala, kamtar va bosiq bo’lishi yoki hech bir shaxs, guruh yoki tashkilotlarning kamsitilishi, afzal ko’rilishi holatlariga yo’l qo’ymasligi;

-xodimning o’z xizmat burchini vijdonan bajarishga nisbatan fuqaroda shubha uyg’otuvchi xatti-harakatdan tiyilishi, davlat organlari obro’siga salbiy ta’sir ko’rsatuvchi nizoli vaziyatlarni yuzaga keltirmasligi shart.

Uchastka saylov komissiyasi raisi (rais o’rinbosari) ovoz berish binosidagi tartibga rioya qilinishini nazorat qiladi.Uchastka saylov komissiyasining o’z vakolatlari doiarasida bergan ko’rsatmalari ovoz berish binosida hozir bo’lgan shaxslar jumladan ichki ishlar va milliy gvardiya xodimlari uchun ham majburiydir.

Ovoz berish kuni ichki ishlar va milliy gvardiya xodimlari saylov uchastkasi hududidan tashqarida joylashadi. Ular bilan tezkor aloqa o’rnatish maqsadida uyali va ish telefon raqmlarini uchastka saylov komissiyasi raisiga va boshqa a’zolariga taqdim etishi shart.