Саволномаси умумий хуқуқ сохаси бўйича

199. Вафот этган шахснинг туғилганлик, никоҳ тузиш, никоҳдан ажралганлик ҳақидаги далолатнома ёзувларига тузатиш ва қўшимчалар қай тартибда киритилади?
Далолатнома ёзувларига ўзгартиришлар, тузатишлар ва қўшимчалар консул ёки нотариус томонидан тасдиқланган ишончнома ва ариза асосида амалга оширилиши мумкин.
Ўлим хақидаги далолатнома ёзувига тузатишлар киритиш яқин қариндош(лар) ёки меросхўр(лар)нинг аризасига кўра ФҲДЁ органи томонидан амалга оширилади.
Вафот этган шахсларнинг туғилганлик, никоҳ тузиш, никоҳдан ажралганлик ҳақидаги далолатнома ёзувларига тузатиш ва қўшимчалар суд қарорига асосан ФҲДЁ органи томонидан киритилади. ФҲДЁ органининг далолатнома ёзувларига ўзгартиришлар, тузатишлар ва қўшимчалар киритишни рад этиши юзасидан суд тартибида шикоят қилиниши мумкин.


200. Шахс никоҳга кириш пайтида қабул қилган фамилиясини никоҳгача бўлган фамилиясига ўзгартирса, қайси далолатнома ёзувига ўзгартириш киритилади?
Қоидаларнинг 175-банди кўра, агар никоҳга кириш пайтида ўзининг никоҳгача бўлган фамилиясини сақлаб қолган шахс кейинчалик эрининг фамилиясини қабул қилса, шунингдек никоҳга кириш пайтида қабул қилган фамилиясини никоҳгача бўлган фамилиясига ўзгартирса, у ҳолда ўзгартириш фақат никоҳ тузилганлиги ҳақидаги далолатнома ёзувига киритилади.
Агар никоҳдан ажратилгандан кейин никоҳдаги фамилиясини сақлаб қолган шахс уни никоҳгача бўлган фамилиясига ўзгартирса, у ҳолда ўзгартириш фақат никоҳдан ажралганлик ҳақидаги далолатнома ёзувига киритилади.
Йўриқноманинг 130-131 бандларига кўра, никоҳ тузилганлигини қайд этишда эрининг (хотинининг) фамилиясини умумий фамилия сифатида танлаган, лекин шахсини тасдиқловчи ҳужжати ўзгаришсиз қолган хотиннинг (эрнинг) ўзининг никоҳгача бўлган фамилиясига қайтиш ҳақидаги талаби никоҳ тузилганлиги ҳақидаги далолатнома ёзувига ўзгартириш киритиш орқали қаноатлантирилади. Никоҳдан ажралганлик ҳақидаги далолатнома ёзувининг «Никоҳдан ажралгандан кейинги фамилияси» устунида никоҳгача бўлган фамилияси кўрсатилган, лекин шахсини тасдиқловчи ҳужжати ўзгаришсиз қолган эр ёки хотиннинг никоҳдан ажралгунга қадар бўлган фамилиясига қайтиш ҳақидаги талаби никоҳдан ажралганлик ҳақидаги далолатнома ёзувига ўзгартириш киритиш орқали қаноатлантирилади.