Саволномаси умумий хуқуқ сохаси бўйича

207. 16 ёшдан 18 ёшгача бўлган фуқароларнинг фамилияси, исми ва отасининг исмини ўзгартирганлик учун қанча миқдорда давлат божи ундирилади?
фуқаролар томонидан фамилия, исм, отасининг исми ўзгартирилганлиги учун

16 ёшдан 18 ёшгача	БҲМнинг 50 фоизи – 111.500 сўм
18 ёшдан катта	БҲМнинг 1 баравари – 223.000 сўм
г) туғилганлик ҳақида, никоҳни қайд этганлик, никоҳни бекор қилганлик тўғрисида, ўлим ҳақидаги ёзувлар ўзгартирилганлиги, уларга қўшимчалар киритилганлиги, тузатилганлиги ва қайта тикланганлиги муносабати билан гувоҳномалар берганлик учун		БҲМнинг 10 фоизи – 22.300 сўм
д) фуқаролик ҳолати далолатномаларини қайд этилганлик ҳақида такрорий гувоҳномалар берганлик учун		БҲМнинг 15 фоизи – 33.450 сўм

208. Туғишган ака-ука ва опа-сингил қариндошликнинг нечанчи даражасида туришади?

Бир умумий учинчи шахсдан – яъни аждоддан келиб чиққан шахслар қариндошлар ҳисобланади. Болалар ота-онасига нисбатан биринчи даражадаги қариндош, невара бобосига ва бувисига нисбатан — иккинчи даражадаги қариндош ҳисобланади
ОК 57-моддасида, туғишган ака-ука ва опа-сингил қариндошликнинг иккинчи даражасида, тоға ва амаки, амма ва хола ўз жиянлари билан қариндошликнинг — учинчи, тоғавачча, амакивачча, аммавачча ва холаваччалар эса — тўртинчи даражасида турадилар.
Ака-ука ва опа-сингиллар ёт аралашмаган ва ёт аралашган қариндош бўлиши мумкин. Ака-ука ва опа-сингиллар бир ота-онадан келиб чиққан бўлса, ёт аралашмаган, ота бир она бошқа ёки аксинча она бир ота бошқа бўлса, ёт аралашган қариндош ҳисобланади. Ёт аралашмаган қариндошликда ака-ука ва опа-сингиллар туғишган, ёт аралашган қариндошликда эса, ака-ука ва опа-сингиллар ўгай ҳисобланади.
Эр-хотиннинг илгариги никоҳларидан бўлган болалари ўзаро қариндош ҳисобланмайди.
209. Шахснинг ҳуқуқ лаёқати тугатилганлигини тасдиқловчи ҳужжат -
бу...?
Қоидаларнинг 13-бандига кўра, ўлим тўғрисидаги гувоҳнома шахснинг ўлимини ва унинг ҳуқуқ лаёқати тугатилганлигини тасдиқловчи ҳужжат ҳисобланади.
(Маълумот учун: барча фуқароларнинг фуқаролик ҳуқуқ ва бурчларига эга бўлиш лаёқати – ҳуқуқ лаёқатидир. Фуқаронинг ҳуқуқ лаёқати у туғилган пайтдан эътиборан вужудга келади ва вафот этиши билан тугайди.