Саволлар ва жавоблар Axбoрoт – ресурс турлaри сифaтидa

Windows операцион тизимининг Кoнтeкст мeнюси

Файлни ёки ёрлиқни номи бўйича сичқончани ўнг клавишасини босиб экранга контекстли менюни чақириш мумкин (5.10-расм). Ана шу контекстли менюда фойдаланувчи учун керак бўлган энг асосий амаллар йиғиндиси келтирилган бўлади. Контекстли меняю ёрдамида папка ва ёрлиқ яратиш мумкин, матнли таҳрирчида янги файл ҳосил қилиш мумкин, жадвалли процессорида янги саҳифа очиш мумкин, тақдимот учун янги слайд яратиш мумкин.

Windows операцион тизимида ишлаш фойдаланувчи учун жудаям кенг фукнционал имкониятларни беради. Унинг чексиз функционал имкониятларини махсус адабиётлар асосида ўрганиш мумкиндир.


Файллар ва папкалар билан амаллар бажариш


Файллар ва папкалар билан манипуляция қилишни ҳамма жараёнлари турли усуллар билан бажарилиши мумкин. Бу ерда уларнинг фақат баъзи бирларини кўрамиз.
Янги папкани яратиш
1. Менинг компьютерим папкасини ишлатиб:
а) Менинг компьютерим папкасини унинг белгичаси бўйича сичқончани икки марта босиб очинг;
б) янги папкани қўймоқчи бўлган дискни ва папкани танланг, ва унда сичқончани икки марта босиб очинг;
в) Файл менюсида Яратиш бандини очинг, пайдо бўлган менюостида эса – Папка бандини очинг;
г) янги папка номини киритинг ва Enter клавишасини босинг.
Файлни ёки папкани нусҳасини яратиш
Менинг компьютерим папкасини ишлатиб:
а) Менинг компьютерим папкасини унинг белгичаси бўйича сичқончани икки марта босиб очинг;
б) нусхалашни (силжитишни) истаган объектни (файл ёки папка) танланг ва уни сичқончани босиб белгиланг;
в) Тузатиш менюсида нусхалаш учун Нусхалаш бандини, силжитиш учун эса – Кесиб олиш бандини танлаш керак;
г) объектни жойлаштиришни истаган папкани очинг ва Тузатиш менюсида сичқончага билан Қўйиш бандини босинг.
Контекстли менюни ишлатиб:
а) Менинг компьютерим папкасида ёки Йўл бошловчи ёки Файллар диспетчери дастурини ишлатиб нусҳалашни (силжитишни) истаган объектни топинг ва у бўйича сичқончани ўнг клавишасини босинг;
б) пайдо бўлган контекстли менюда Нусҳалаш (Кесиб олиш) бандини танланг;
в) объектни жойлаштиришни истаган папкани очинг ва унинг ойнасининг бўш жойида сичқончани ўнг клавишасини босинг;
г) пайдо бўлган контекстли менюда сичқонча билан Қўйиш бандини босинг;
д) объектларни, уларни сичқонча билан бир очилган ойнадан бошқасига кўтариб олиб ўтиш билан ҳам, нусҳалаш ёки силжитиш мумкин.