Savodga o`rgatish darslarida o`quvchilarni maktabga moslashtirish va zamonaviy pedtexnologiya bilan birgalikda o`yin hamda ertaklardan foydalanish usullari

“Kosmonavt” , “ Yig`im-terim” kabi o`yinlarimni tavsiya qilmoqchiman . “Yig`im – terim “ o`yinida sinf 3 guruhga yoki kichik guruhlarga bo`llinadi. O`qituvchi esa guruhlarga masalan: 1 – guruhga anor mevasi , 2-guruhga behi , 3- guruhga esa xurmo mevasi rasmi tushirilgan didaktik ashyolarni taqdim etadi. Mevalarning orqasiga savodga o`rgatish davri bo`lganligi uchun bo`g`inlarga bo`lingan so`zlarning bir bo`gini yozilgan bo`ladi. Masalan: Du- , -tor , - ru , -bob , - kur , - tak , -kak , -lik. O`qituvchi o`yin shartini ertak asosida bolalar qalbiga chuqur kirib borgan tarzda quyidagicha yetkazishi mumkin.

“Qadim –qadim zamonda emas , yaqin kunlarda bir fermer bobomiz bor ekan . U har yili shaharliklar dasturxoniga meva va sabzavotlar yetishtirib berish bilan shug`ullanar ekan . Bu yil ham hosili mo`l bo`libdi, lekin internetdan qish erta tushishi haqidagi xabarni eshitib , o`zi ham - endi hosilimni qanday yig`ishtirib olaman - deb sarosimaga tushib qolibdi. Agar hosilim dalada qolib ketsa , shahardagi nevaralarim mevasiz qoladiku . Meva yemagandan keyin ular kuchsizlanib yaxshi o`qiyolmaydi , tez-tez kasalga chalinib qoladi deb o`ylab fermer bobomizning qon bosimlari oshib , o`zi ham yotib qolibdi. Mevalar esa g`arq pishib yetilgan . Ularni nes-nobud qilmasdan yig`ishtirib olish kerak. Kelinglar , bolajonlarim , bizni deb mehnat qilgan bobomizga mevalarni terishda yordam beraylik . Bu ishimizdan bobojon ham xursand bo`lib, zora tuzalib ketsa.

-Yordam berishni hohlaysizmi?

- Ha .

-Unday bo`lsa , agar siz mevalarning orqasiga yozilgan bo`g`inlardan so`z hosil qilib , mevalarni terib , o`zingizga belgilangan savatchaga yig`sangiz, fermer bobomizga yordam bergan bo`lasiz. Bu ishni bajarish uchun sizga 5 daqiqa vaqt belgilanadi. Vaqt kutib turmaydi , iloji boricha tezroq harakat qiling. Bir yoqda sovuq eshik qoqmoqda , esdan chiqarmang.

Shu tarzda bolalar mevalardagi bo`g`inlardan sozlar hosil qilib savatchaga soladi. G`olib bo`lgan guruh orqada qolgan guruhga yordam berishi mumkin. Bu o`yin bilan biz o`quvchilarni mehnatga bo`lgan layoqatini oshirish bilan birgalikda o`zgalar mehnatini qadrlashga , ularga yordam berish , ishlarida qarashish kabi fazilatlarini shakllantirgan bo`lamiz. G`olib guruhni yong`oq , olma kabi tabiiy mevalar bilan taqdirlash mumkin.

“