Savodga o`rgatish darslarida o`quvchilarni maktabga moslashtirish va zamonaviy pedtexnologiya bilan birgalikda o`yin hamda ertaklardan foydalanish usullari

SAVODGA O`RGATISH DARSLARIDA O`QUVCHILARNI MAKTABGA MOSLASHTIRISH VA ZAMONAVIY PEDTEXNOLOGIYA BILAN BIRGALIKDA O`YIN HAMDA ERTAKLARDAN FOYDALANISH USULLARI

Bola tarbiyasi har bir davrda ham muhim ahamiyat kasb etadi. U

maktabgacha ta`lim bo`ladimi , boshlang`ich ta`lim bo`ladimi, umumiy o`rta ta`limmi hamma vaqt bu jamiyat oldida , insoniyat oldida muhim vazifa bo`lib hisoblanadi. Bekorga allomalarimiz bola tarbiyasi bilan u ona qornida paydo bo`lgandayoq shug`ullanish kerak demaydilar. Bolalar qanchalik ilmli, odobli bo`lsa, jamiyat ham shunchalik taraqqiy etib gullab- yashnab boraveradi.

1-sinflarni savodga o`rgatish davri bola hayotida birmuncha qiyinchiliklarni keltirib chiqarishi sir emas. Sababi bog`chada, yoki uyda hech qanday yuklamalarsiz “ Bolalikning poshsholigi”ni surib yurgan bolaga – endi sen o`quvchisan, o`qishing kerak, o`yinchoq o`ynashni bas qil , ukangga o`rnak bo`l – kabi buyruqlarimiz yoqmasligi tabiiy hol. Shuning uchun 1-sinf o`quvchilarini maktabga moslashtirishda o`qituvchidan ham , ota-onadan ham bir muncha mas`uliyat talab etiladi.

O`qituvchilarimiz har bir darsini qiziqarli , didaktik ashyolarga boyitgan holda kichik multimediyalardan foydalanib , ertaklar asosida tashkil etsa, bunday dars har qanday bolani maktabga bo`lgan mehrini oshirib, uni maktabga moslashtiradi.

Mening nazarimda darsda o`quvchiga hadeb – endi sen o`quvchisan , to`g`ri o`tir, chiroyli yoz , yaxshi o`qi , maktab qoidalariga rioya qil – deb uqtirishimiz uni zeriktirib qo`yishi, o`quvchilikdan , maktabdan bezdirishi ,talablarimiz unga yoqmasligi mumkin . Bu vazifalarni uning onggiga shunday singdirish kerakki , uning o`zi o`quvchi ekanligidan faxr etsin.

Topshiriqlarni majburiyat yuzasidan emas, qiziqib bajarsin .

Bunday bo`lishi uchun o`qituvchi , ota-ona birgalikda faoliyat yurutishi lozim. Psixologlarimiz 12 yoshgacha bola “ Men kelajakda falon kasb egasi bo`laman “ deb emas , o`qituvchi va ota-onadan rag`bat eshitishi uchun o`qishini ta`kidlashmoqda. 12 yoshdan keyin esa mana shu qiziqish biron bir kasbga yo`naltirilishi mumkin ekan.

Iste`dodsiz bola bo`lmaydi , bu iste`dodlarni topib uni rivojlantirish biz ustoz va murabbiylarning zimmasidagi sharafli vazifa ekanligini his qilishimiz lozim.

Ertak eshitishni sevmaydigan , har kech onasidan ertak aytib berishni so`ramaydigan bola bo`lmasa kerak. Bu vazifani erinmasdan ado etayotgan ota-onalar esa o`z farzandi kelajagi uchun zamin hozirlayotganligi aniq. Ertaklar bolani ezgulikka . qahramonlikka chorlab , qalbida mehr-muhabbat tuyg`ularini shakllantiradi. Har bir ertak eshitayotgan bola o`sha ertak qahramonida o`zini ko`radi . Qahramon bo`lib kimgadir yordam bergisi , mashhur bo`lgisi , hamma unga havas bilan qarashini xohlaydi . Shuning uchun darslarda ayniqsa savod o`rgatish darslarida ertaklardan unumli foydalanish yaxshi samara beradi. Bu o`quvchini maktabga bo`lgan qiziqishini , mehrini oshirishi bilan birgalikda nutq madaniyati rivojlanishiga ,mustaqil fikrlashga , eshitgan voqealarini qayta miyasida gavdalantirishga , diqqatni jamlashga o`rgatadi. Chunki bola maktabda bo`lgan qiziqarli voqeani uyiga borganda albatta kimgadir gapirib bergisi keladi. Bu ertak bo`ladigan bo`lsa ukasiga , buvisi yoki oyisiga aytib berishi aniq.

Bugun tez suratlarda jadal rivojlanib borayotgan texnika asri o`qituvchidan bir pog`ona oldinroqda yurishni talab etadi. Chunki bugungi kun bolasi axborot- kommunikatsion texnologiyalar ichida voyaga yetyapti. Kecha dunyoning bir chetida qo`lga kiritilgan ilg`or texnologiya bugun bizga yetib kelib turibdi. Buni bugungi kun o`qituvchisi bilmasligi mumkin emas. Shunday ekan , har bir darsimizda axborot – kommunikatsion texnologiyalardan foydalanish talab etiladi. Biz ustozlar uchun ko`plab metodik qo`llanmalar , darsda yangi pedtexnologiyalardan foydalanish uchun barcha shart-sharoit yaratilgan. Bizlardan esa darslarni tashkil etishda bulardan unumli va o`rinli foydalanish talab etiladi.

Mutaxassislarimiz va ilgo`r o`qituvchilarimiz tomonidan yaratilgan savod o`rgatish davridagi har-xil o`yinlar qatoriga men ham o`zimning