Saodat sadirova

40-rasm. Palost. 41-rasm. Prelina.
Palost - yuqumsiz kasallik natijasida ozib o'lgan mollardan shilib olingan, u yer-bu yerida qo'ng'ir qizil yoki to'q qizil joylari bor teri (40-rasm).
5.3.2. Terilarga dastlabki ishlov berish, tashish va ularni saqlashda hosil bo'ladigan nuqsonlar
Ushbu guruh nuqsonlariga prelina, yumaloq teri, kuya yeyishi, terigi chirigi, terining qotib ketishi, teridagi sinishi, zangli dog'lar, qizil dog'lar, mag'or bosishi, shestovina, jun qoplamining to'kiluvchanligi, dudlanish, tuzli dog'lar, biglost kabi nuqsonlar kiradi.
Prelina - chirituvchi bakteriyalar keltirib chiqargan, terining yuza tomonidagi zararlangan joylar bo'lib, u teri yuza tomoni rangining o'zgarishi, shilimshiq bo'lib qolishi, jun qoplamining yopishib ketishi va chirigan hid bilan ta'riflanadi (41-rasm). Kechikib yoki noto'g'ri konservalash oqibatida paydo bo'ladi. Prelina bilan zararlangan teri qismlari ishlov berish jarayonlarida buziladi yoki mashinalarda uziladi. Tayyor terida esa kichik mustahkamlikka ega bo'ladi.
Jun qoplamining to'kiluvchanligi - terini noto'g'ri konservalash oqibatida chirituvchi bakteriyalarning rivojlanishidan unga bir oz tegilganda, silkitib qoqilganda, salgina tirnalganda va boshqa hollarda junlarning ildizi bilan tushib ketishidan yuzaga kelgan nuqsondir.
154
Yog'sizlantirilmaganlik - teri to'qimasidan bartaraf etilmagan teri osti yog' to'plamalaridir.
Tolalarning terini teshishi - derma qavatlarining chuqur kesilishi natijasida soch ildizlarining ochilib qolishiyoki sochning tushib ketishi, yoxud qoplovchi sochlar ildizlarining mexanik zararlanishi oqibatida ular tolasining teri qoplamini teshishidan iborat nuqson. Ushbu nuqson ko'pincha kuzda ovlangan hayvonlar terilarida kuzatiladi. Bunday terilarda soch ildizi chuqur joylashgan bo'lib, teri to'qimasi ko'proq bo'lingan va yog'langan bo'ladi.
Yog' jizg'ini - yaxshi yog'sizlantirilmagan terming pishiqligini yo'qotishi yoki uning butunlay buzilishi; terining har yerida qizg'ish yoki jigarrang dog'lar paydo bo'lishidir.
Dudlanish - ochiq alangada quritilgan va dudlangan terilarda uchraydi. Teri juda quruq, saiga sinadigan, jigarrang bo'lib, pitir pardasi oson ko'chishi bilan tavsiflanadi. Dudlangan joylar ivitishda yaxshi ho'llanmaydi. Kuchli dudlangan terilar "Teri xomashyosi" davlat standartiga muvofiq nostandart terilarga kiritiladi.
Biglost - muzlatilgan terini sovuqda shamollatganda butun maydoni yoki ayrim qismlari bo'yicha katta miqdorda namligini yo'qotishdir. Ushbu nuqson teri ag'darmasida oq dog'lar ko'rinishida bo'ladi. Bunday terilardan ishlangan teri bo'shligi, xiyla mustahkamligi bilan ajralib turadi.