Sanoat xavfsizligi

V. PUTUR YETKAZMAYDIGAN
NAZORAT TIZIMINI QURISH
Putur yetkazmaydigan nazorat putur yetkazmaydigan nazorat vositalarini qо‘llash bilan bog‘liq sanoat xavfsizligi ekspertizasi uchun isbotlovchi baza hisoblanadi.
Davlat darajasida amal qiladigan hamda putur yetkazmaydigan nazorat sohasidagi faoliyatni amalga oshirish uchun tashkiliy, texnik va normativ-huquqiy bazaga ega bо‘lgan tizim Putur yetkazmaydigan nazorat tizimi hisoblanadi. Putur yetkazmaydigan tizim laboratoriyalari va ularning xodimlari, metodik hujjatlari va vositalari putur yetkazmaydigan tizim subyektlari hisoblanadi.
Quyidagilar putur yetkazmaydigan nazorat tizimining asosiy qatnashchilari hisoblanadi:
"О‘zstandart" agentligi - "Metrologiya tо‘g‘risida"gi О‘zbekiston Respublikasi Qonuniga muvofiq putur yetkazmaydigan nazorat sohasida putur yetkazmaydigan nazoratni metrologik ta’minlash, davlat metrologiya nazorati va tekshiruvi bо‘yicha faoliyatning davlat boshqaruvini amalga oshiradigan metrologiya bо‘yicha milliy organ;
О‘zbekiston Respublikasi Sanoat xavfsizligi davlat qо‘mitasi - sanoat xavfsizligi sohasida xavfli ishlab chiqarish va radiatsiya-xavfli obyektlarda putur yetkazmaydigan nazoratni amalga oshirishning majburiy meyorlari va qoidalarini belgilaydigan, putur yetkazmaydigan nazorat laboratoriyalariga xavfli ishlab chiqarish obyektlarida putur yetkazmaydigan nazorat ishlarini bajarishga ruxsatnomalar beradigan maxsus vakolatli davlat organi;
О‘zbekiston Respublikasi Sanoat xavfsizligi davlat qо‘mitasining topshirig‘i bо‘yicha sanoat va radiatsiya xavfsizligini ta’minlash sohasida putur yetkazmaydigan nazorat tizimi qatnashchilari faoliyatini muvofiqlashtiradigan muvofiqlashtiruvchi organ;
putur yetkazmaydigan nazoratning akkreditatsiya qilingan laboratoriyalari;
putur yetkazmaydigan nazorat sohasida mutaxassislarni о‘qitadigan akkreditatsiya qilingan о‘quv markazlari (О‘Q);
putur yetkazmaydigan nazorat sohasida mutaxassislardan malaka imtihonlari oladigan akkreditatsiya qilingan imtihon markazlari (IM);
putur yetkazmaydigan nazorat xodimlari sertifikatsiyasi bо‘yicha akkreditatsiya qilingan organ;
putur yetkazmaydigan nazoratning sertifikatsiyalangan xodimlari;
о‘z faoliyatida putur yetkazmaydigan nazorat vositalaridan foydalanadigan tashkilotlar.
Putur yetkazmaydigan nazorat tizimi qatnashchilarining faoliyati ular tо‘g‘risidagi tegishli nizomlar bilan belgilanadi.
Putur yetkazmaydigan nazorat tizimi tuzilmasi ilovada keltirilgan.