Sanoat ishlab chiqarishini tashkil etish

Davlat qimmatli qog’ozlari – byudjet kamomadlarini qoplash maqsadlarida hukumat yoki mahalliy hokimiyat idoralari nomidan chiqarilgan va albatta, hukumat tomonidan kafolatlangan qimmatli qog’ozlar.
Davlat krediti – kredit munosabatlarida bevosita davlatning ishtiroki bilan xususiyatlanadi. Davlat krediti davlat byudjetidan ustuvor investitsiya loyihalarini amalga oshirish bo’yicha tasdiqlangan dasturlar asosida beriladi.
Daromad solig’i – moliya yilida soliq solinadigan daromadga ega bo’lgan jismoniy shaxslarning soliq solinadigan jami daromadlaridan, yuridik shaxslarning soliq solinadigan jami daromadi (foydasi)dan undiriladigan to’g’ri, umumdavlat solig’i.
Daromadlilik indeksi (profitobility index, PI) – investitsiya loyihasining diskontlangan daromadlarining diskontlangan investitsiya xarajatlariga nisbati tushuniladi, bu ko’rsatkich investorning 1 so’m sarf qilgan investitsiyalariga necha so’m daromad kelishini aniqlab beradi.
Davlat tashqi qarzi – davlat tomonidan xorijdan mablag’ jalb qilish natijasida vujudga kelgan O’zbekiston Respublikasi majburiyatlarining yig’indisi.
Devalvatsiya (de va lot. valeo – qiymat) – milliy pul birligi kursining xorij valyutalariga nisbatan pasaytirilishi.
Depozit (lot. depositum – omonat, asrab qo’yilgan) – bankka qo’yilgan omonatlar. Bunday depozitlarning muddatli va talab qilib olinadigan turlari bor.
Diversifikatsiya – (lot. diversificatio – o’zgarish, xilma-xil taraqqiyot) – korxonalarning faoliyati sohalari va ishlab chiqaradigan mahsulotlari turining kengayishi, yangilanib turishi. Disversifikatsiya ishlab chiqarishda yuqori samaradorlikka erishish, iqtisodiy foyda olish, bankrotlikka barham berish va boshqa maqsadlarda amalga oshiriladi.
Dividend – (lot. dividendum – taqsimlanadigan narsa) – aktsiyadorlar jamiyati foydasidan aktsiya egasiga har yili beriladigan va uning daromadiga aylangan qismi. Dividendning miqdori aktsiyadorlar jamiyatining sof foydasi, aktsiyalar soni va qiymatiga bog’liq.
Diskont (ingl. discount – chegirma, lot. computare – hisobga olmoq) – qimmatli qog’ozning fond birjasida ayni paytda sotilayotgan narxi bilan nominali yoki uni qaytarib sotib olishdagi narxi o’rtasidagi farq.
Dotatsiya – davlat byudjetidan qaytarilmaydigan tartibda beriladigan pul mablag’lari, zararlarni qoplash uchun korxona va tashkilotlarga beriladigan davlat nafaqalari.