Sanoat ishlab chiqarishini tashkil etish

Bankning aktiv operatsiyalari – bank resurslarini joylashtirish bo’yicha operatsiyalar: mijozlarga uzoq muddatli va qisqa muddatli kreditlar berish, shu jumladan, veksellarni hisobga olish, ko’chmas mulk va qimmatli qog’ozlarni garovga olish yo’li bilan, bank resurslarini davlat obligatsiya zayomlarini va korxona aktsiyalarini sotib olish yo’li bilan investitsiyaga qo’yish.
Bankning passiv operatsiyalari – resurslarni bank schetiga tushirish: jamg’armalarni qamrab olish, qimmatli qog’ozlarni chiqarish va joylashtirish, Markaziy bank pul emissiyasi, banklarning xususiy jamg’armalarining tashkil etilishi va h.k.
Bank ssudasi – bankning foiz to’lovi sharti bilan kreditga berilgan pul mablag’i. Qisqa va uzoq muddatli turlarga bo’linadi.
Bank foiz stavkasi – bank ssudasidan foydalanganlik uchun belgilangan haq miqdori. Qarz summasiga nisbatan foiz hisobida undiriladi. Uning miqdori kreditning turi, muddati va qarzning vaqtida qaytarilishiga bog’liq.
Bank depozitlari – jismoniy va yuridik shaxslarning bank muassasalariga ma’lum muddatga va muddatsiz omonat shaklida qo’yilgan bo’sh pul mablag’lari.
Bank tizimining likvidligi – banklarning o’z majburiyatlarini o’z vaqtida va to’liq hajmda bajara olish imkoniyati.
Banklar likvidligi – banklar aktivlarining qisqa muddat ichida pulga aylanish qobiliyati. Likvidlik bank majburiyatlarini bajarish va aktivlar o’sishini moliyalash bilan birgalikda depozitlar va qarz mablag’lari darajasining pasayishini samarali boshqarish.
Bank nazorati bo’yicha Bazel qo’mitasi talablari – bank tizimining barqaror amal qilishi hamda o’z majburiyatlarini bajara olishini ta’minlash uchun o’rnatilgan xalqaro me’yorlar majmui bo’lib, u kapitalning etarlilik darajasini, banklarni nazorat qilish jarayoniga hamda bozor intizomiga qo’yilgan talablarni ifodalaydi.
Bankrot – 1) qarzdorlik, nochorlik, tadbirkorning o’z qarz majburiyatlari bo’yicha mablag’i bo’lmaganligi uchun to’lashdan bosh tortishi; 2) xo’jalik sudi tomonidan e’tirof etilgan, qarzdorning pul majburiyatlari bo’yicha kreditorlar talablarini to’la hajmda qondirishga yoki majburiy to’lovlar bo’yicha o’z majburiyatini bajarishga qodir emasligi.