Sanoat ishlab chiqarishini tashkil etish

32-mavzu: Ijtimoiy soliq

Ijtimoiy soliqni soliq tо‘lovchilari deb quyidagilar e’tirof etiladi:
-О‘zbekiston Respublikasining yuridik shaxslari;
-О‘zbekiston Respublikasida faoliyatni doimiy muassasa orqali amalga oshiruvchi О‘zbekiston Respublikasi norezidentlari bо‘lgan yuridik shaxslar, chet el yuridik shaxslarining vakolatxonalari va filiallari;
Soliq Kodeksning 408 va 409-moddalarida nazarda tutilgan tartibga muvofiq ijtimoiy soliq tо‘laydigan jismoniy shaxslarning ayrim toifalari.
Ish beruvchining xodimlar mehnatiga haq tо‘lashga doir xarajatlari ijtimoiy soliqning (bundan buyon ushbu bо‘limda soliq deb yuritiladi) soliq solish ob’ektidir.
О‘zbekiston Respublikasi hududida ishlash uchun chet ellik xodimlar bilan ta’minlash yuzasidan xizmatlar kо‘rsatishga doir shartnomalar bо‘yicha О‘zbekiston Respublikasi norezidenti bо‘lgan yuridik shaxsga tо‘lanadigan chet ellik xodimlarning daromadlari ham soliq solish ob’ektidir.
Jismoniy shaxslarning ayrim toifalari uchun ular tomonidan tadbirkorlik faoliyatini va (yoki) yakka tartibdagi mehnat faoliyatini amalga oshirish soliq solish ob’ektidir.
Soliq stavkalari, agar Soliq kodeksining 408-moddasida boshqacha qoida nazarda tutilmagan bо‘lsa, quyidagi miqdorlarda belgilanadi:

T.r.	Soliq tо‘lovchilar	Soliq stavkalari foizlarda
1.	Soliq tо‘lovchilar, bundan 2–4-bandlarda nazarda tutilganlar mustasno	12
2.	Byudjet tashkilotlari	25
3.	“SOS – О‘zbekiston Bolalar mahallalari” uyushmalari	7
4.	Ixtisoslashtirilgan sexlar, uchastkalar va korxonalarda ishlovchi nogironligi bо‘lgan shaxslar mehnatidan foydalanuvchi soliq tо‘lovchilar	4,7

Soliq tо‘lovchilarning ayrim toifalari uchun О‘zbekiston Respublikasi Prezidenti qarori bilan pasaytirilgan soliq stavkalari belgilanishi mumkin. Kalendar yil soliq davri hamda yil oyi hisobot davri hisoblanadi.