Sanoat ishlab chiqarishini tashkil etish

5.Soliqni hisoblab chiqarish, soliq hisobotlarini taqdim etish va soliqni tо‘lash tartibi
Hisobot (soliq) davri yakunlari bо‘yicha soliq summasi soliq tо‘lovchi tomonidan mustaqil aniqlanadi.
Agar Soliq moddada boshqacha qoida nazarda tutilgan bо‘lmasa, hisobot davri yakunlari bо‘yicha soliq summasi soliq davri boshidan ortib boruvchi yakun bilan soliq bazasining mos soliq stavkasiga foiz ulushi sifatida hisoblab chiqariladi.
Soliq hisoboti soliq tо‘lovchi tomonidan soliq hisobida turgan joyidagi soliq organiga quyidagi muddatlarda taqdim etiladi:
1) hisobot davri yakunlari bо‘yicha - hisobot davridan keyingi oyning о‘n beshinchi kunidan kechiktirmay;
2) soliq davri yakunlari bо‘yicha - soliq davridan keyingi davrning 15 fevralidan kechiktirmay;
Hisobot (soliq) davri yakunlari bо‘yicha soliqni tо‘lash tegishli hisobot (soliq) davri uchun soliq hisobotini taqdim etish muddatidan kechiktirmay amalga oshiriladi.
Nazorat savollari

1.Aylanmadan olinadigan soliq to’lovchilar haqida tushuncha bering ?

2.Aylanmadadan olinadigan soliqni qo’llashning o’ziga xos xususiyatlari?
3.Daromadlarga tuzatish kiritish tartibi qanday?
4.Soliq stavkalarini miqdorlarini ayting ?


26-Mavzu:Soliq nazorati va uning shakllari
Reja
1.Nazorat qiluvchi organlar. Soliq nazoratini tashkil etish tartibi.
2. Soliq nazorati shakllari va turlari, soliq solish obyektlarini va soliq solish bilan bog‘liq obyektlarni hisobga olish, byudjetga va davlat maqsadli jamg‘armalariga tushayotgan tushumlarni hisobga olish, kameral nazorat, naqd pul tushumlari kelib tushishining xronometraji, xо‘jalik yurituvchi subyektlar xodimlarining hisobotdagi va haqiqiy sonining muvofiqligi yuzasidan monitoring, soliq tekshiruvlari, fiskal xotirali nazorat-kassa mashinalarini qо‘llash, aksiz tо‘lanadigan ayrim turdagi tovarlarni markalash, shuningdek ayrim korxonalarda moliya inspektori lavozimini joriy etish, davlat daromadiga qaratilgan mol-mulkni realizatsiya qilishdan tushadigan pul mablag‘lari davlat daromadiga о‘z vaqtida va tо‘liq tushishini nazorat qilish, boshqa majburiy tо‘lovlarni undirish vazifasini amalga oshiradigan davlat organlari va tashkilotlar ustidan nazorat qilish, soliq monitoringi.