1.Davlat byudjetining mohiyati, funksiyalari va ahamiyati Davlat byudjeti kishilik jamiyati taraqqiyotining ma’lum bir bosqichida paydo bо‘lgan. Uning vujudga kelishi, eng avvalo, siyosiy tashkilot sifatida davlatning vujudga kelishi bilan bevosita bog‘liqdir. Har bir davr ijtimoiy tuzumiga tegishli bо‘lgan ishlab chiqarish munosabatlarining asosiy belgilari davlat faoliyati va byudjetning taqsimlash mexanizmi sifatidagi mazmunini belgilab beradi.
Hozirgi sharoitda davlat byudjeti ijtimoiy (ishlab chiqarish) munosabatlarning bir qismini ifoda etib, davlatning ixtiyoriga mamlakatda yaratilgan yalpi ichki mahsulot - milliy daromadning nisbatan kattagina qismini tо‘plash va uni jamiyat taraqqiyotining turli sohalarini (iqtisodiyot, maorif, sog‘liqni saqlash, fan, madaniyat, ijtimoiy ta’minot, boshqaruv, mudofaa va boshqalar) rivojlanishiga yо‘naltirish imkonini beradigan muhim taqsimlash instrumenti (vositasi)dir.
Mohiyatiga kо‘ra davlat byudjeti mamlakat moliya tizimining tarkibiy qismi bо‘lib, shunga mos ravishda moliya tizimiga doir barcha belgi (xususiyat)larga ega va unga tegishli bо‘lgan barcha funksiyalarni bajaradi. Bir vaqtning о‘zida, davlat byudjeti faqat о‘ziga xos bо‘lgan xarakterli xususiyatlarga ham egadirki, ular о‘z navbatida, davlat byudjetini moliya tizimining boshqa bо‘linmalari-dan ajratib turadi va unda markaziy о‘rinni egallashga imkon be-radi.
Uning ana shunday xususiyatlaridan biri bevosita davlatga tegishli ekanligidir. Haqiqatdan ham har bir mamlakatda davlat barcha moliyaviy munosabatlarning tashkilotchisi bо‘lsada, uning bu xislati, ya’ni mamlakatning moddiy va moliyaviy resurslarni asosiy taqsimlovchi sifatidagi roli faqat byudjetda katta kuch bilan namoyon bо‘ladi.
Yagonalik (birlik) va yuqori darajada markazlashuv davlat byud-jetining muhim xususiyatlaridandir. Turli ma’muriy-hududiy byudjetlar kо‘pligiga qaramasdan, ularning barchasi quyi bо‘g‘inlarning yuqori bо‘linmalarga ketma - ket bо‘ysunishiga rioya qilgan holda yagona davlat byudjetiga birlashadi.
Bir vaqtning о‘zida byudjet resurslarini shakllantirish va ulardan foydalanishda demokratizm ham ta’minlanadi. Chunki davlat hokimiyatining barcha organlari о‘zlarining byudjet mablag‘lariga ega va о‘zlariga tegishli byudjet huquqlaridan foydalanadilar. Davlat byudjetiga xos ana shu xarakterli belgilar mablag‘lar bilan manyovr qilish va nozik byudjet siyosatini amalga oshirish uchun keng imkoniyatlar yaratib beradi.
Moliya tizimining boshqa bо‘linmalaridan farqli holda, davlat byudjetida, ikki tushunchaning terminologik qо‘shilishi mavjud: 1) byudjet-iqtisodiy (moliyaviy) kategoriya sifatida; 2) byudjet - mamlakatning asosiy moliyaviy rejasi sifatida. Ayrim hollarda davlat byudjetining mohiyati faqat mamlakatning asosiy moliyaviy rejasi sifatida talqin etiladi. Buni tо‘g‘ri deb e’tirof etib bо‘lmaydi. Chunki iqtisodiyotga tegishli bо‘lgan har qanday reja u yoki bu iqtisodiy kategoriyaning namoyon bо‘lish shakllaridan boshqa narsa emas.
Shunga muvofiq ravishda, davlatning asosiy moliyaviy rejasi davlat byudjeti (umumdavlat moliyasi) kategoriyasining namoyon bо‘lish shaklidir. YA’ni byudjet davlatning asosiy moliyaviy rejasi sifatida iqtisodiy kategoriya va byudjetga xos bо‘lgan xususiyatlar majmuining namoyon bо‘lishidir. Iqtisodiy kategoriya va mamlakatning asosiy moliyaviy rejasi sifatida ularning “davlat byudjeti” deb bir xil nomlanishi predmetning mohiyatini о‘zgartirmaydi va davlat byudjetini iqtisodiy (moliyaviy) kategoriyalar tarkibidan chiqarishga asos bо‘la olmaydi.
Bundan kelib chiqadigan asosiy xulosa shuki, davlat byudjeti deyil-ganda, eng avvalo, ikki tushunchaning qо‘shilishini tushunmoq ke-rak: 1) davlat miqyosida yalpi ichki (milliy) mahsulotni taqsimlash natijasida vujudga keladigan iqtisodiy (moliyaviy) munosabatlar (iqtisodiy kategoriya); 2) shu kategoriyaning namoyon bо‘lish shakli sifatida davlatning asosiy moliyaviy rejasi.
Yalpi ichki (milliy) mahsulotni taqsimlashning moliyaviy instrumenti (vositasi) sifatida davlat byudjeti boshqa xususiyatlarga ham ega. Agar moliya yordamida taqsimlash qiymatning shakllari о‘zgargan sharoitda va kо‘plab oldi-sotdilar natijasida amalga oshirilsa, yalpi ichki (milliy) mahsulotning davlat byudjeti orqali taqsimlanishi ma’lum darajada, almashuvdan ajralgan holda sodir bо‘ladi.
Qiymatning davlat byudjeti orqali harakatlanishi mod-diy mahsulotning harakatidan tо‘liq uziladi va sof qiymat xarakterini kasb etadi. Faqat davlat byudjetidan tashqarida, byudjet resurslari sarflanayotganda taqsimlash va almashuv operatsiyalarining qayta qо‘shilib ketishi sodir bо‘ladi.
Moliya tizimining boshqa barcha bо‘linmalari va iqtisodiy (moliyaviy) kategoriyalar (baho, ish haqi, kredit va boshqalar) bilan chambarchas bog‘liqligi ham davlat byudjetiga xos xususiyatdir.
Davlat byudjetining mohiyatini ochib berishda u orqali amalga oshiriladigan taqsimlash jarayonlarining mazmunini kо‘rib chiqish alohida ahamiyat kasb etadi.
Yalpi ichki (milliy) mahsulotni davlat byudjeti orqali taqsimlash bir vaqtning о‘zida, о‘zaro bog‘langan va ma’lum darajada mustaqil bо‘lgan uch bosqichga egadir:
umumdavlat pul fondini shakllantirish (byudjet daromad-lari);
hududiy va ma’lum maqsadlarga mо‘ljallangan kо‘p sonli byud-jet fondlarini yaratish;
byudjet fondidan foydalanish (byudjet xarajatlari).
Davlat byudjeti orqali yalpi ichki (milliy) mahsulotni taq-simlashning bu bosqichlari bir vaqtning о‘zida va uzluksiz sodir bо‘lsada, bu ularning nisbatan alohidaligini ham inkor etmaydi. Bu bosqichlarni bо‘lish va ularni alohida-alohida kо‘rib chiqish orqali byudjetli taqsimlashning xarakteri, shakli va metodlari tо‘g‘risida osonroq va aniqroq tasavvur hosil qilish mumkin.
Birinchi bosqichda yuridik va jismoniy shaxslarga tegishli pul mablag‘larining bir qismi davlatning qо‘lida tо‘planishi, jamlash, olish sodir bо‘ladi. Ana shu asosda mablag‘larni oluvchi sifatida davlat bilan mablag‘larni tо‘lovchilar о‘rtasida moliyaviy (byudjet) munosabatlar vujudga keladi. Bu munosabatlar, asosan, majburiylik (imperativlik) xarakteriga egadir. Bu bosqichdagi taqsimlash jarayonlarining xarakterli xususiyati shundaki, byudjetga tushuvchi mablag‘lar ajratib olingan bо‘lib, ular qat’iy chegaralanmagan.
Ularning barchasi hozircha yagona maqsadga-umumdavlat ehtiyojlarini qondirishga yо‘naltirilgan. Davlat pul fondining alohidaligiga aniq maqsadlarga mо‘ljallangan fondlarni kristallizatsiya qilish boshlanganda barham beriladi.
