Sanoat ishlab chiqarishini tashkil etish

Soliq davri uchun yer solig‘i tо‘lash jismoniy shaxslar tomonidan hisobot yilining 15 oktyabriga qadar amalga oshiriladi.
Jismoniy shaxslardan undiriladigan yer solig‘ini hisoblab chiqarish chog‘ida yer solig‘i stavkalariga, yer sifatiga bog‘liq holda, yerning bonitetiga bog‘liq ravishda quyidagi koeffitsientlar qо‘llaniladi:
- tuproq boniteti 40 ballgacha bо‘lsa - 0,75;
- tuproq boniteti 41 dan 70 ballgacha bо‘lsa - 1,0;
- tuproq boniteti 70 balldan ortiq bо‘lsa - 1,25.
Jismoniy shaxslarga asosiy fondlarni sotib olish va egalik huquqini berish bilan ajratilgan jamoa bog‘dorchiligi va uzumchiligini yuritishga berilgan yer uchastkalaridan yer solig‘i qishloq xо‘jalik yuritish uchun belgilangan soliq stavkalarida undiriladi.
Jismoniy shaxslarga tadbirkorlik faoliyati uchun berilgan yer uchastkalaridan soliq korxonalar, muassasalar va tashkilotlar uchun tasdiqlangan stavkalar bо‘yicha undiriladi.
Masalan, jismoniy shaxslar yer uchastkalarini dо‘konlar, oshxonalar, ustaxonalar va tadbirkorlik faoliyatida foydalaniladigan boshqa obyektlar uchun foydalanadigan bо‘lsalar.
Berilgan yerlardan ikki yil davomida foydalanmagan jismoniy shaxslardan yer solig‘i uch baravar miqdorida undiriladi. Qanday holatlarda yerdan foydalanilmaydi? Masalan, agarda yer uchastkasi tomorqa qishloq xо‘jaligi uchun berilsada va shu yerda qishloq xо‘jalik mahsulotlari etishtirilmasa, yoki, agarda yakka tartibda uy-joy qurish uchun yer uchastkasi berilsada, ammo u yerda uyni qurish bо‘yicha ishlari boshlanmagan bо‘lsa.
Jismoniy shaxslar foydalanadigan (shu jumladan, yer solig‘ini tо‘lashdan ozod etilgan), davlat hokimiyati organlari tomonidan ajratilgan maydonlardan ortiqcha yer uchastkalari uchun yer solig‘i 1,5 koeffitsientini qо‘llagan holda tо‘lanadi.
Masalan, jismoniy shaxs uchun shaxsiy tomorqa yuritish uchun yer 0,25 ga. uchastkasi ajratilgan, ammo uning haqiqatda foydalanayotgan yeri 0,40 gani tashkil etadi, u holda fuqaro oshiqcha 0,15 ga (hukumat organlari tomonidan ajratgan yer uchastkasiga nisbatan ortiqcha qismi) uchun yer solig‘i 1,5 koeffitsient qо‘llagan holda tо‘lashi shart.
Jamoa va shaxsiy garajlar band etgan yer uchastkalari uchun jismoniy shaxslardan soliq yakka tartibdagi uy-joy qurilishi yerlari uchun tasdiqlangan stavkalar bо‘yicha undiriladi. Agar jismoniy shaxs yakka tartibda uy-joy qurilishi yoki shaxsiy yordamchi xо‘jalik (dehqon xо‘jaligi) yuritish uchun berilgan yer uchastkasida tadbirkorlik faoliyati bilan shug‘ullansa yoki yerdan maqsadli foydalanishni о‘zgartirmasdan о‘z uyini ofis sifatida rasmiylashtirsa, bunda undan yer solig‘i yakka tartibda uy-joy qurilishi yoki dehqon xо‘jaligini yuritish uchun berilgan yerlar uchun belgilangan stavkalar bо‘yicha undiriladi.