Sanoat ishlab chiqarishini tashkil etish

Korporativ boshqaruvning vazifalariga quyidagilarni kiritish maqsadga muvofiqdir:

• 
  aksiyadorlar huquqlari va manfaatlarini himoya qilish;
  
• 
  aksiyadorlik jamiyatlari investitsion jozibardorligini oshirish;
  
• 
  aksiyalar narxining o‘sishi orqali uzoq muddatli iqtisodiy qiymatning jamg‘arilishi;
  
• 
  jamiyatning rivojlanish strategiyasini aniqlash va uning amalga oshirilishini nazorat qilish;
  
• 
  aksiyadorlik jamiyatlari biznes-rejalarini tasdiqlash va ular bajarilishini nazorat qilish hamda faoliyatning boshqa muhim masalalarini hal qilishdan iboratdir.
  

Korporativ boshqaruv tizimi – korporatsiya o‘z aksiyadorlari manfaatlarini ifodalashi va himoya qilishi lozim bo‘lgan tashkiliy modelni ifodalaydi. Bu aksiyadorlar, direktorlar kengashi, menejerlar va boshqa manfaatdor tomonlarning (xodimlar, kreditorlar, mahalliy hukumat, jamoat tashkilotlari) o‘zaro aloqa tizimi bo‘lib, undan maqsad amaldagi qonunchilikka rioya qilib, xalqaro andozalarga muvofiq foydani oshirish hisoblanadi (3-rasm).

3-rasm. Korporatsiyalarni boshqaruv sikli
Korporatsiyalar o‘z navbatida, davlat oldida korxonalarning masalan, yagona soliq to‘lovchi vakolotxonalari sifatida ishtirok etishi mumkin. Har qanday korporativ birlashma faoliyat ko‘rsatish maqsadiga ega bo‘ladi va ushbu maqsadga erishishda boshqarishni bosqichma-bosqich amalga oshiradi. Bu quyidagi rasmda ko‘rib o‘tiladi (4-rasm).



4-rasm. Boshqarish bosqichlarini maqsadli amalga oshirish

Nizom kapitali va boshqaruv organlari nuqtayi nazaridan tashkiliy-huquqiy shakllar tavsifi quyidagi jadvalda izohlanadi (1-jadval).

1-jadval
Nizom kapitali va boshqaruv organlari nuqtai nazaridan tashkiliy-huquqiy shakllar tavsifi

Xo‘jalik o‘rtoqchiliklari	Xo‘jalik jamiyatlari	Aksiyadorlik jamiyatlari	Ishlab chiqarish shirkatlari
Nizom kapitali
Terma (ta’sischilar ulushiga taqsimlangan)	Terma (ta’sischilar ulushiga taqsimlangan)	Aksiyadorlik kapitali (aksiyalar belgilangan soniga taqsimlangan)	Pay kapitali (birlashtirilgan mulkiy pay badallaridan iborat)