Sanoat instituti

6. Savollar asosida do’stlaringiz bilan suhbatlashing.

1. O’zbеk xalqining qanday urf-odatlari sizga yoqadi?  Nima uchun?

2. Hasharga borish odati haqida gapirib bеring.

3. Qo’shnilarga taom chiqarish odati to’g’risida nimalarni bilasiz?

4. Qaysi bayramlarimiz sizga yoqadi? Nimaga?

5. O’zbеk to’ylarida bo’lganmisiz?

6. “Kеlin salom” qachon va qanday o’tkaziladi?

7. Qachon kеksa qarindoshlar va qo’shnilar holidan xabar olinadi?

16-MAVZU San’at va ma’naviyat

Umumxalq leksikasidagi   san’atshunoslik terminlari. Kamoliddin Behzod

Kamoliddin Behzod 1455-yilda Hirot shahrida tug’ildi. U ota-onadan juda erta yetim

qoldi. Uni Husayn Boyqaroning kitobdori (kutubxonalar boshlig’i) Mirak Haqqosh

o’z tarbiyasiga oladi. Kamoliddin rassomlik san’atiga qiziqadi, qobiliyati va iste’dodi

bilan kishilarning e’tiborini jalb etadi. Ko’p o’tmay, ilm - fan, san’at va adabiyot

ahllari orasidan o’ziga munosib o’rin oladi. Navoiy iste’dodli yosh rassomga alohida

diqqat - e’tibor beradi, unga har tomonlama g’amxo’rlik qiladi. Behzod 1510-

yilgacha Hirotda yashab, ijod qiladi. Keyin esa u Ozarbayjonga - Tabrizga boradi. U

yerda poytaxt kutubxonasi va san’atkorlariga boshliq qilib tayinlanadi. Kamoliddin

Behzod 1533 -1537-yillar o’rtasida vafot etadi.

Behzodning zamondoshlari hamda keyingi davrning olimlari uni “Sharq

Rafaeli” deb nomlashgan. Behzod tasviriy san’atning ulug’ namo-yandasi bo’lib, u

rassomlikda “Hirot maktabi” deb nomlangan yangi bir ijodiy uslubning asoschisi

bo’ldi va ustoz san’atkor sifatida Markaziy Osiyo, Eron, Ozarbayjon va boshqa

o’lkalar tasviriy san’atining taraqqiyo-tiga samarali ta’sir etdi.

Topshiriq:

1. Matnni o’qib undosh tovushlarning talaffuziga e’tibor bering, reja

tuzing.

2. Bizga zamondosh rassomlar haqida so’zlang.