Sanoat binolari

v) Sintetik mahsulotlardan tayyorlanadigan pollar. Yuqori darajadagi mustaxkamlik, suv o‘tkazmovchanlik, kimyoviy mustaxkamlik talablari qo‘yiladigan bino vainshootlarning pollarini loyixalash va qurilish ishlarini amalga oshirishda turli xil sintetik mahsulotlardan tayyorlanuvchi pollardan foydalaniladi. Ushbu turdagi pollar plastbetonli, polivinilxloridli, kumaronli, kumaron-polivinilxloridli, fenoquymali, rezinali va boshqa turlarda loyixalanadi. Plastbeton sintetik mineral bog‘lovchilardan tashkil topgan qorishmadir. Plastbeton plitalar qovurg‘ali tarzda 1000x1000 mm o‘lchamda ishlab chiqariladi. Plita qovurg‘alarning qalinligi 50-60mm, plitaning qalinligi esa 10-30 mm qabul qilinadi. Ularni furan yoki yarim efir qatronlari asosida tayyorlanadi va talab etilganda ularning Yuzasiga qoplama sifatida abraziv mahsulotlar surkalishi mumkin. Plitalarning qattiqligini oshirish uchun ularning tarkibiga shisha to‘qimalar yoki shishaplastik mahsulotlar qo‘shiladi. Plitalarni terilganda ular orasidagi 8-10 mm li choklar epoksid smolali qattiq mastika bilan to‘ldiriladi. Plastbeton plitalarni yotqizish uchun qattiq asosga ega bo‘lgan beton va temirbeton to‘shamalardan foydalaniladi.
g) Polivinilxloridli, kumaronli, kumaron-polivinilxloridli, rezinali va fenolitli plitkalar turli ranglarda ishlab chiqarilib sanoat binolarining intererlarini manzarali ko‘rinishlarda echish uchun katta imkoniyatlarni yaratadi. Plitkalarning satx Yuzalari silliq jiloli (glyansovaya) yoki jilosiz (matovaya) ko‘rinishga ega bo‘lishi mumkin. Plitkalarni yotqizish uchun odatdagi ananaviy (turli qorishmalar) yoki maxsus mahsulotlardan (mastika, fenol yoki furan qatronlari) foydalanish mumkin. Polivinilxloridli plitkali pollar etarli darajada mustaxkam, suv o‘tkazmovchan, sirpanmovchan, elastik, turli mineral yog‘lar va kuchsiz eritma va kislotalarga chidamli. Kumaron polivinilxloridli, kumaronli va rezina plitkali pollardan katta statik va zarbali yo’qlar bo‘lmagan xamda agressiv muxit bo‘lmagan sexlarda qo‘llaniladi. Kumaron plitkali pollardan normal issiqlik-namlik rejimiga ega bo‘lgan va tehnologik jarayonlar chang-to‘zonlarsiz o‘tadigan ishlab chiqarish binolarida foydalaniladi.