Sanoat binolari

2. Rasm. Sanoat binolari pollarining turlari.
a)-gilli; b)-graviyli yoki shag‘alli; v)-betonli; g)-asfaltbetonli; d,e)-ksilolitli; j)-tosh mahsulotli; z,i) –g‘ishtli; k,l)- g‘o‘latoshli (tors); m,n)-plitkali; o,n)-metalli; r)-taxtali; s)-parketli; m)-linoeumli; f)-polivinilatsetatli; x)-polivinilxlorid linoleumli; s)-fenolit plitkali;


3. Graviyli, shag‘alli va shlakli pollar. Ushbu turdagi pollar asosan sanoat binolariga transport vositalarining kirish yo‘llari va omborxona binolarida qo‘llaniladi. Graviyli va shag‘alli pollarni ikki yoki uch qatlamli tarzda tayyorlanib, polning Yuqorigi qoplama qismi 100-200 mm qalinlikdagi mayda fraksiyali graviy-qumli qatlamdan tuziladi. Polning to‘shama qismi esa katta fraksiyali graviy yoki shag‘aldan tayyorlanadi. SHag‘alli pollar uchun faqat mustaxkamligi bir xil bo‘lgan toshli shag‘aldan yoki uqalanib ketmaydigan mustaxkam krisstalli strukturaga ega bo‘lgan metallurgiya shlaklaridan foydalaniladi. Polning Yuqorigi qoplama qismi 5-15 mm li fraksiyaga ega bo‘lgan shag‘aldan 15-25 mm qalinlikda tayyorlanadi. Pastki to‘shama qismi esa 30-35 mm li yirik fraksiyali shag‘aldan 60-75 mm qalinlikda tayyorlanadi.
Pollarni ekspluatatsiya davrida changish yoki to‘zishdan saqlash, suv, kislota va ishqorlarga chidamliligini oshirish maqsadida bitumga shimdirilgan shag‘alli pollar xam loyixalanadi. Ushbu pollar konstruktiv jixatan shag‘alli pollardan deyarli farq qilmaydi, faqat ularning 40-80 mm qalinlikdagi qoplama qismi bitumga shimdirilgan shag‘al donalaridan tashkil topadi. Shlakli pollar uchun toshko‘mirli shlaklardan foydalaniladi.
4. Betonli pollar. Pollarga doimiy ravishda suv yoki mineral massalar, kislota va ishqorlar tasir etib turadigan sanoat binolarida betonli pollar qo‘llaniladi. Betonli pollarning ustki qoplamalari ularga tasir etuvchi mexanik tasirlarni xisobga olgan xolda 50-100 mm qalinlikda qabul qilinadi. Betonli pollar uchun 200-300 markali betondan foydalaniladi va beton o‘zining mustaxkamligini olgandan so‘ng albatta ishqalab tekislanadi. Beton pollar ishlab chiqarish binosida boradigan tehnologik jarayonlar va tehnologik jarayonlarda ishlatiladigan suv, kislota va ishqorlarga chidamlilik, polga qo‘yiluvchi issiqbardoshlilik talablaridan kelib chiqib olovbardosh (jaroupornыy), kislota va ishqorlarga chidamli (kislotoupornыy) betonlardan loyixalanadi va qurilishi amalga oshiriladi.
5. Bazi xollarda betonli pollarning eyilishga bo‘lgan mustaxkamligini oshirish maqsadida beton tarkibiga diametri 5 mm gacha bo‘lgan metall yoki cho‘yan paraxalari va qipiqlari xam qo‘shiladi va bunday pollar metallbetonli pollar deb Yuritiladi.