Санжар отахонов

6-модда. Ҳакамлик муҳокамаси қоидаларини белгилаш 
1. Ҳакамлик суди ҳакамлик муҳокамасини, ушбу Регламентга 
мувофиқ амалга оширади, агар ҳакамлик муҳокамаси тарафлари 
ҳакамлик муҳокамасининг бошқа қоидалари қўлланилиши тўғрисида 
шартлашмаган бўлсалар. 
2. Ҳакамлик муҳокамаси тарафлари томонидан келишилган 
ҳакамлик муҳокамаси қоидалари Қонунга мувофиқ бўлиши шарт. 
Ҳакамлик муҳокамаси тарафлари томонидан келишилган ҳакамлик 
муҳокамаси қоидалари Қонунга зид бўлган ҳолда, Ҳакамлик суди 
мазкур Регламентда кўрсатилган ҳакамлик муҳокамаси қоидаларини 
қўллайди. 
3. Ҳакамлик муҳокамасининг қоидалари ҳакамлик муҳокамаси 
тарафлари томонидан келишилмаган, ушбу Регламент ва Қонун 
билан белгиланмаган тақдирда низони кўриб чиқаётган ҳакамлик 
суди таркиби томонидан белгиланади. 
 
7-модда. Ҳужжатларни ва бошқа материалларни юбориш 
1. Ҳакамлик муҳокамасини бошлаш ва амалга ошириш билан 
боғлиқ бўлган барча ҳужжатлар, уларга иловалар ва бошқа 
материаллар тарафлар томонидан низо якка тартибда ҳал қилинса, уч 
нусхада ва низо ҳайъатда ҳал қилинаётган тақдирда беш нусха 
миқдорида Ҳакамлик судига тақдим этилади, агар зарур ҳолларда 
Ҳакамлик суди масъул котиби томонидан бошқача тартиб 
белгиланмаса. 
2. Тарафларга барча ҳужжатларнинг нусхалари ва бошқа 
материаллар улар томонидан кўрсатилган манзилларга ҳужжатлар ва 
материалларни етказиб берилганлигини белгиловчи, тақдим 
қилинганлигини тасдиқловчи буюртма хатлар ёки бошқа усуллар 
орқали юборилади. 
3. Иш кўрилаётган вақтда ҳакамлик муҳокамасининг тарафлари 
ўз манзили ўзгартирилганлиги ҳақидаги хабарни Ҳакамлик судига 
етказиши шарт. 
4. Агарда ҳужжатларни ва бошқа материалларни юбориш учун 
манзил тарафлар томонидан кўрсатилмаган бўлса ҳамда мазкур 
модданинг учинчи қисмида кўрсатилган хабар йўқлигида, улар 
ҳакамлик муҳокамаси тарафлари бўлган юридик шахснинг охирги 
маълум бўлган жойлашган жойи (почта манзили) ёки жисмоний 

---

566 
шахснинг охирги маълум бўлган яшаш жойига Ҳакамлик суди 
томонидан юборилади. 
5. Ҳужжатлар ва бошқа материаллар Ҳакамлик суди томонидан 
мазкур модданинг иккинчи-тўртинчи қисмига мувофиқ аниқланган 
манзиллар бўйича етказиб берилган куни қабул қилинган 
ҳисобланади, агар бу манзилда ташкилот иш фаолиятини олиб 
бормаётган ёки жисмоний шахс яшамаётган тақдирда ҳам. 
Шунингдек ҳужжатлар ва бошқа материаллар тарафларнинг шахсан 
қўлларига ва уларни имзоларини олган ҳолда топширилиши мумкин, 
бундай ҳолатда ҳужжатлар ва бошқа материаллар тақдим этилган 
куни қабул қилинган ҳисобланади. 
6. Ҳакамлик судига юборилаётган ва тақдим этилаётган 
ҳужжатлар ва бошқа материаллар берган ва тақдим этилган куни 
қабул қилинган деб ҳисобланади. 
7. Ҳакамлик муҳокамаси тарафларидан бири Ҳакамлик судига 
тақдим этадиган барча ҳужжатларнинг ва бошқа материалларнинг 
нусхалари, агар ҳакамлик муҳокамаси тарафлари бошқача 
шартлашмаган бўлсалар, Ҳакамлик суди томонидан ҳакамлик 
муҳокамасининг бошқа тарафига топширилиши керак. Ҳакамлик 
суди ўз ҳал қилув қарори учун асос қилиб оладиган эксперт 
хулосалари Ҳакамлик суди томонидан ҳакамлик муҳокамаси 
тарафларига топширилиши керак. 
8. Ҳакамлик муҳокомаси тарафлари ва Ҳакамлик суди таркиби 
ўртасидаги хатлар, материаллар ва ҳужжатлар билан алмашиши 
Ҳакамлик суди котибияти томонидан амалга оширилади.