Sana: Mavzu: Masalalarni jadval usulida yechish. Maqsad

Sana: _______________

Mavzu: Masalalarni jadval usulida yechish.

Maqsad: Matematik misol va masalalarni tez va oson yo’l bilan yechish haqida yangi bilim berish.

Ta’limiy: Matematik masalalarni jadval usulida yechishni o’rgatish

Tarbiyaviy: O’quvchilarni vatanparvarlik ruhida tarbiyalash. Ulardagi Vatan haqidagi tushunchalarini boyitib, uni ko’z qorachig’iday asrab-avaylash lozimligini tushuntirish.

Rivojlantiruvchi: Murakkab masalalarni mustaqil yechishni

o’rgatish.

Dars turi: Yangi tushuncha berish, bilimlarni

mustahkamlash.

Dars metodi: Guruhlarda ishlash, ta’limiy o’yinlar,

suhbat tushuntirish

Darsning jihozi: Darslik, daftar, kompyuter.

Darsning borishi:

Tashkiliy qism .

1. 
   Salomlashish, ob-havo haqida suhbatlashish, ma’naviyat daqiqasini o’tkazish.
   
2. 
   O’quvchilarning darsga tayyorgarliklarini nazorat qilish.
   

O’qituvchi:

Ma’rifat gulshanin gul-u, lolasi,

Jannatmakon yurtning o’tli lolasi.

Shukronalar aytib, boshlayin darsni,

Salom, bog’larimning totli mevasi

Assalomu – alaykum!

O’quvchilar: Vaalaykum - assalom

O’qituvchi: Bolalar sog’misiz-omonmisiz,

Bugungi darsga tayyormisiz?

O’quvchilar: Bizlar sog’miz – omonmiz,

Yangi darsga tayyormiz.

O’qituvchi: Har narsadan xabarchi,

Sinfda kim navbatchi?

Navbatchi o’quvchi: Sinfda men navbatchi,

Ustozimga yordamchi.

Pok tutaman xonani,

Hamda yozuv taxtani,

Ustozimiz shod bo’ling,

Bugun hamma shu yerda.

Darsingizni miriqib,

Eshitish umidida.

O’qituvchi: Aziz bolajonlar, yangi darsimizni boshlaymiz. O’qituvchi uyga berilgan vazifalarni tekshirib chiqadi.

Bugungi sana va mavzu doskaga yoziladi. O’qituvchi yangi mavzu haqida o’quvchilarga tushuntirib beradi.

Yangi mavzu bayoni:

Masalalar yechishda quyidagi bosqichlarga rioya qilish maqsadga muvofiq:

1. 
   bosqich: masala mazmuni bilan tanishish;
   
2. 
   bosqich: masala yechimini izlash;
   
3. 
   bosqich: masalani yechish;
   
4. 
   bosqich: masala yechimini tekshirish.
   

Masala yechishda qulay bo’lishi uchun qisqa yozuvlardan ya’ni „bor edi“, „qo’ydik“, „bo’ldi“ va hokazolar kabi qisqa so’zlar orqali masala shartini tuzib olamiz.

Masala: Baliqchi 10 ta cho’rtanbaliq, 8 ta tangabaliq tutdi. Baliqchi jami nechta baliq tutdi?

Bunda, masala sharti quyidagicha bo’ladi:

Cho’rtanbaliq – 10 ta,

Tangabaliq – 8 ta,

Jami - ?

Yechish: 10+8=18

Javob: jami baliq 18 ta.

Endi ushbu masalani jadval ko’rinishida yozib olamiz.

Cho’rtanbaliq	Tangabaliq	Jami	Javob
10 ta	8 ta	?	10+8=18 ta

Masala: Traktor 6 soat ish vaqtida 48 litr yonilg’i sarfladi. Yonilg’i soatiga o’sha normada sarf bo’lganda 12 soatda traktorga qancha yonlig’i kerak bo’ladi?

Yoqilg’i sarf bo’lish normasi	Ish vaqti	Sarf bo’lgan jami yoqilg’i	Javob
Bir xil	6 soat 12 soat	48 litr ?	48+48=96 litr

Masala: Stol ustida 17 ta qalam bor. Qutida stol ustidagidan
4 ta kam. Qutida nechta qalam bor?

Stol ustida	Qutida	Sarf bo’lgan jami yoqilg’i	Javob
17 ta	4 ta kam	?	17-4=13 ta

Mustaqil yechish uchun masalalar:

1. Yosh tabiatshunoslarga 15 tup olma ko’chati va 10 tup olxo’ri ko’chati ajratildi . Yosh tabiatshunoslarga qancha ko’chat ajratilgan?

2. Yengil mashina yo’lda 4 soat bo’ldi va soatiga 56 km tezlik bilan yurdi. Mashina qancha masofani bosib o’tdi?

3. Do’konda 2 bo’lak chit sotildi. Birinchi bo’lak uchun 180 so’m, ikkinchi bo’lak uchun ikki marta ko’p pul berishdi, ikkinchi bo’lak uchun qancha pul berishgan?

5. Bir oshxonada 29 kg karam, 9 kg bodring, 12 kg pomidor tuzlandi. Ikkinchi oshxonada undan 5 kg kam karam, 3 kg kam bodring, 2 kg kam pomidor tuzlandi. Ikkinchi oshxonada necha kilogrammdan karam, bodring va pomidor tuzlangan?

Darsni yakunlash.

Uyga vazifa: jadval usulida misol va masalalar yechish.