Самиғов н. А. Бино

Иссиқлик ўтказувчанлик ѐғочнинг турига, зичлигига, намлигига боғлиқ бўлади. Қуруқ ҳолатдаги қарағайнинг иссиқлик ўтказувчанлиги толалари бўйлаб 0,34 Вт(м⁰С), толаларига перпендикуляр йўналишда 0,17 Вт(м⁰С) бўлади.
Абсолют қуруқ холатдаги ѐғочнинг иссиқлик сиғими 1,26–1,42 КДж/(кг∙^оС); намлиги ортган сари иссиқлик сиғими ҳам ошиб боради.
Иссиқлик таъсиридан чизиқли кенгайиши юқори бўлмай, толалари бўйлабга нисбатан толаларига перпендикуляр йўналишда 12–15 марта катта бўлади. Чизиқли кенгайиш коэффициенти мутаносиб равишда толалари бўйлаб 2∙10^-6–1∙10^-5 ва толаларига перпендикуляр холда 3∙10^-5–6∙10^-5.
Ёғочнинг электр ўтказувчанлиги намлигига боғлиқ. Қуруқ ҳолатдаги қарағайнинг электр қаршилиги 75х10⁷ Ом^.см. Хўлланганда бу катталик ўнлаб марта камайиб кетади. Шу сабабли электр тизимида ишлатиладиган ѐғоч қуруқ холатда бўлиши шарт.
Механик хоссалар. Ёғочнинг толасимон структураси унинг хоссаларини, шу жумладан механик хоссаларини таъсир этувчи кучнинг йўналишига қараб турлича бўлишига олиб келади. Ёғочнинг толалари бўйлаб сиқилишга мустаҳкамлиги толаларига кўндаланг йўналишдагига нисбатан 4- 6 марта кўп бўлади. Ёғочнинг механик хоссалари унинг турига, намлигига ва нуқсонларига боғлиқдир. Ёғоч эгилишга ва чўзилишга толалари бўйлаб, сиқилишга эса толаларига кўндаланг равишда яхши ишлайди (3.1-жадвал).
Ёғочнинг намлиги унинг мустаҳкамлигини камайтиради. Бу холда ѐғочнинг мустаҳкамлик чегараси 12% стандарт намликга келтирилиши керак:
R₁₂  R_w 1W 12_,
бу ерда: R_w–W(%) намликдаги ѐғочнинг мустаҳкамлиги; W – синалаѐтган ѐғочнинг намлиги, %; α – намликни ҳисобга олувчи тўғрилаш коэффициенти. У ѐғоч намлиги 1% (намлик 0 – 30% оралиғида) ўзгарганда мустаҳкамлик қанчага ўзгарганини кўрсатади. Қарағай учун α=0,04, яъни намлик 1% ошганда мустаҳкамлик 4% камаяди.