Самиғов н. А. Бино

Коррозиянинг учинчи тури. Бу турдаги коррозия сулфат тузлари мавжуд қоришмалар таъсирида юз беради:


3СаО^.Al₂O₃^.6H₂O+3CaSO₄+25H₂O=3CaO^.Al₂O₃^.3CaSO₄^.32H₂O.
Бу реакция жуда кўп миқдорда сувни бириктириши билан характерлидир. Уч калцийли гидросулфоалюминат (эттрингит минерали) ҳосил бўлишида унинг ҳажми 2 марта кенгаяди. Цемент тоши микроғовакларида эттрингитнинг кристалланишидан ҳосил бўлган ички босим микроѐриқлар пайдо бўлишига олиб келади. Буни цемент бацилласи коррозияси деб юритилади.
Бу турдаги коррозия айниқса шўрланган ерларда муфассал кузатилади. Коррозиядан сақланиш учун сулфат муҳитига чидамли цементлар ишлатилади. Хусусий холларда цемент тошида ишқорий коррозиялар ҳам кузатилади. Цемент тошига биринчи ҳолатда кучли ўювчи натрий ѐки ўювчи калийнинг таъсири, иккинчи ҳолатда эса цемент тоши ичидаги Са(ОН)₂ таъсири кузатилади. Биринчи ҳолатдаги ишқорий коррозия цемент тошида сода ва поташ ҳосил бўлиши билан характерланади ва коррозия шиддатли кечади. Иккинчи ҳолатда эса ишқорий коррозия бир неча ўн йиллар давом этиши мумкин.

1. Портландцементнинг асосий хоссалари ва хусусиятлари

Цемент хоссаларига майдалик даражаси, нормал қуюқлиги, қотиш даври, маркаси ва ш.к. киради. Цементнинг кимѐвий ва минерал таркиблари юқорида баѐн этилган бўлиб, улар хом ашѐнинг таркибига қараб бироз ўзгариши мумкин. Цементнинг минерал таркибига (масса бўйича, %) клинкер, гипс, минерал қўшимчалар, пластифицирловчи ва гидрофобловчи қўшилмалар киради. Бундай қўшилмалар цемент массасига нисбатан 0,1- 0,3% миқдорда цемент туйиш пайтида киритилади.
Майдалик даражаси қуруқ ҳолатдаги цементнинг №008 элакдаги (тешик ўлчамлари 0,08 мм) қолдиғи билан аниқланади. Цемент ушбу элакдан камида 85% ўтиши керак.
Бу усулдан ташқари цементнинг майдалик даражаси унинг дисперслигини аниқлаш усули билан ҳам амалга оширилади. Оддий 400 маркадаги цементнинг дисперслиги, яъни солиштирма юзаси 2500-3000 см²г бўлиши мумкин.
Зичлиги. Цемент зичлиги 3,05-3,15 гсм³. Минерал қўшимчалар цемент зичлигига таъсир этиши мумкин. Тўкилган ҳолатдаги зичлиги 1100 кгм³ атрофида, ўртача зичлаштирилганда 1300 кгм³.