Самиғов н. А. Бино

Пойдевор учун плиталар ва панеллар

Пойдевор учун плиталар. Бундай плиталар гипс хамиридан тайѐрланган гипсли ва тўлдиргичлар қўшилган гипс қоришмаси ва гипсбетондан тайѐрланади. Гипс плиталар ўртача зичлиги қоришма таркиби ва зичлаштириш усулига боғлиқ бўлади ва ўртача 1100-1300 кгм³ ни ташкил қилади.
Гипс плиталари 800х400 ва 1500х400мм (гипсқамишли) ўлчамларда, қалинлиги 80-100 мм бўлади. Сиқилишдаги мустаҳкамлиги 3-4 МПа, намлиги массаси бўйича кўпи билан 8% ни ташкил қилади.
Гипс плиталар ишлаб чиқариш қуйидаги босқичларни ўз ичига олади: гипс, тўлдиргичлар, сув, қотишни секинлаштирувчи (ѐки тезлаштирувчи) қўшимчалар ва пластификаторларни дозировкалаш; гипс қоришмаси қоргичида қоришма тайѐрлаш; буюмни қолиплаш ва қуритиш. Гипс плиталар қуйма, титратиш ва пресслаш каби зичлаштириш усулларида қолипланади. Пардадевор учун гипс плиталарни карусел машинада ишлаб чиқариш технологик схемаси 5.2-расмда берилган.

5.2-расм. Карусел машинада пардадевор плиталар ишлаб чиқариш технологик схемаси

1-элеватор; 2-гипс учун бункер; 3-аралаштиргич шнек; 4-қипиқ учун бункер; 5-қотишни тезлатувчи учун бункер; 6-гипсқоргич; 7-сув иситкич; 8-карусел машина; 9-лентали транспортер; 10-плита солинган вагонетка; 11-туннелли қуритгич.
Гипс ва қипиқ (ѐки бошқа тўлдиргичлар) ковшли элеватор воситасида бункерларга солинади, сўнгра дозаланиб, аралаштиргич шнекка туширилади, қоришма шнекда аралашгач, гипс қоришмаси қоргичга юборилади, у ерда қоришма сув билан маромига етгунча аралаштирилади.
Тайѐрланган қоришма карусел машинага жойлаштирилган қолипларнинг бўшига қуйилади, стол битта позицияга бурилади ва кейинги бўш қолипга қоришма қуйилади, буюмлар қолипларда қотирилади. Қолиплардан олинган плиталар махсус механизм ѐрдамида транспортерга итариб туширилади ва буюм солинган вагонеткалар туннелли қуритгичга юборилади.
Гипс плиталари кассета технологиясида ҳам тайѐрланиши мумкин. Бу усулда тайѐрланган гипс-қиринди (қипиқ) қоришмаси 20 (24) секциядан иборат кассета қолипларига қуйилади, буюм қотгандан кейин қолипдан ечилади ва мустаҳкамлигини ошириш мақсадида туннелли қуритгичга юборилиши мумкин.
Пойдевор плиталари жамоат ва саноат биноларида юк қўйиладиган пардадеворлар қурилишида ишлатилади.