Самиғов н. А. Бино

Елимловчи мастикалар

Мастика тури	Компонентлар	Марка	Иссиққа бардошлилик, 0С	Диаметр стержени эгилиши, мм
Битумли	Нефт битуми Кукун тўлдиргич антисептик	МБК-Г-65 МБК-Г-75 МБК-Г-85 МБК-Г-90	65 75 85 90	15 20 30 35
Қатронл и	Тошкўмир қатрони, кукун тўлдиргич	МДК-Г-50 МДК-Г-60 МДК-Г-70	50 60 70	25 30 40

Томбоп гидроизоляция мастикалари томларни, қурилиш конструкцияларини гидроизоляциялашда ва елимловчи материал сифатида ишлатилади. Улар гудрокам ва резина-битумли боғловчилар асосида

тайѐрланади, юқори эластикликка, эгилувчанликка, совуққа чидамлиликка эга бўлади.
Гудрокам тошкўмир мойлари ва нефт гудронининг биргаликда оксидланиши маҳсулотидир.
Асфалтли гидроизоляция мастикалари қуйма ва сувоқ усулида гидроизоляциялашда, плита ва бошқа донали буюмлар тайѐрлашда боғловчи сифатида ишлатилади.
Иссиқ битум-минералли мастикалар битум боғловчиси таркибига нисбатан 30-64% минерал кукунлар киритиб тайѐрланади. Улар қурилиш конструкциялари, гидротехник иншоотлар чокларини беркитишда қуйма композиция сифатида ишлатилади.
Совуқ асфалт мастикалари (хамаст) битум-оҳакли пастани минерал кукун билан совуқ ҳолатда аралаштириб тайѐрланади. Улар совуқ гидроизоляцияда ва деформацион чокларни беркитишда ишлатилади.
Гидрофоб газоасфалт битум-оҳакли пастага 10-15% портландцемент ва газ ҳосил қилиш учун алюминий пудраси (упаси) қўшиб олинади. У комплекс том ѐпма панел конструкциялари тайѐрлашда ва трубопроводларни теплогидроизоляция қилишда ишлатилади.
Антикоррозион битумли мастикалар қурилиш конструкциялари ва трубопроводларни агрессив муҳитлардан ҳимоялашда ишлатилади. Мастика эритилган қийин эрийдиган битумлар ва минерал кукун тўлдиргичлар асосида тайѐрланади. Улар кислота ва ишқорлар эритмаларига, азот оксидларига, олтингугурт гази, аммиак ва кислота буғлари (60⁰С), туз эритмалари ва бошқа агрессив муҳитларга чидамли бўлади.