Самиғов н. А. Бино

Пластифицирланган (гидрофил) цементлар – клинкер туйилаѐтган пайтда унинг таркибига 0,25% (масса бўйича) лигносулфонатлар ва улар асосида олинган гидрофил органик қўшимчалар киритиб тайѐрланади.
Бундай цементлар асосида олинган бетон ва қоришмалар ҳаракатчанлиги жуда юқори бўлади. Бунинг ҳисобига бетон ва қоришманинг сув ва цемент нисбати пасаяди, зич бетон ҳосил бўлади, совуққа чидамлилиги ортади, цемент сарфи, бетон сифатини пасайтирмаган ҳолда, 10-20% гача камаяди.
Гидрофоб цемент – клинкер туйилаѐтганда 0,1-0,2% милонафт, асидол, ѐғли кислоталар, куб қолдиқлари ва бошқалар қўшилади. Бу цемент оддий
цементга нисбатан гигроскопиклиги кам бўлиб, ташиш ва сақлашда активлигини йўқотмайди. Гидрофоб қўшимчалар бетон ва қоришмаларни қисман пластифицирлайди, ҳаракатчанлигини оширади, кейинчалик буюм ва конструкцияларга юқори даражада совуққа чидамлиликни, сув ўтказмасликни таъминлайди. Цементда гидрофоб эффект бир неча 10 йиллар давомида сақланиши мумкин.
Оқ ва рангли портландцементлар. Оқ цемент клинкери тоза оҳактош ва оқ созтупроқ асосида олинади. Улар таркибида темир ва марганец оксидлари ва шу каби қўшимчалар бўлмаслиги керак, акс ҳолда цемент нохуш рангларда бўлиши мумкин.
Хомашѐ газ ѐқилғисида куйдирилиб, ҳосил бўлган клинкерни чинни ѐки ранги чиқмайдиган металлардан тайѐрланган шарчалар ѐрдамида майдалаб, кукун ҳолатига келтирилади. Оқ цемент 400 ва 500 маркаларда ишлаб чиқарилади.
Талабга кўра оппоқлик коэффициенти (абсолют шкала воситасида, %) нурни қайтариш коэффиценти ѐрдамида аниқланади. Бунга кўра коэффициент оқ цемент 1- нави 80% дан, 2- нави 75% ва 3- нави 68% дан кўп бўлиши керак.
Рангли цементлар оқ цементга ишқор муҳитига чидамли пигментлар (охра, темир сурики ва ш.к.) аралаштириб олинади. Оқ ва рангли цементлар безак қурилиш қоришмалари, зинапоялар, бордюр тошлари, пиѐда йўллари, архитектура қисмлари олишда ишлатилади.
Тампонаж портландцемент – клинкер, гипс ва турли қўшимчалар асосида олинади ва асосан нефт ва газ бурғулаш ишларида ишлатилади. Цемент совуқ (22±2⁰С) ва иссиқ (75±3⁰С) бурғулашда синовдан ўтказилади. Тампонаж цемент оғирлаштирилган, қумли, тузли шароитда чидайдиган ва гигроскоплиги камайтирилган турларга бўлинади. Унга қўйилган асосий талаб 4х4х16 см тўсинчаларнинг (СЦ=0,5) эгилишдаги мустаҳкамлик чегарасидир.