Samarqand viloyatida qishloq turizimini rivojlantirishning geografik xususiyatlari

Imom Faxriddin Roziy Hazratlari ziyoratgohi - Jumabozor qishlog‘ining janubiy qismida ulug‘ avliyo Islom olamining olimlaridan biri Imom Faxriddin hazratlarining ziyoratgohi joylashgan. Bu zoti boborakot ulug‘ mufassir olimlardan biri, o‘z davrining yetuk allomalaridan biri bo‘lgan. Samarqand qozisi va tarixchi Abu Tohir Xoja ibn Mir Abu Said Xoja o‘zining «Samariya» asarida: «Turklar uni «Shoxsuvor ota» deb ataydilar. Bu mozor Shavdarga qarashli Jumabozor qishlog‘ida, Darg‘om katta arig‘ining yaqinidadir. U Xanafiya mazhabining yirik mujtahidlaridan edi. Samarqand shahridan uning mozorigacha uch tosh (yigirma to‘rt chaqirim) chamasi yo‘l», deya ma’lumot beradi. Boshqa bir manbada: «Imom Faxriddin dar mavzei Juma SHabdor», deyilgan, yana bir XIX arga tegishli qo‘lyozma manbada: «Buzrukvori Jumabozor - Mavlono Mir Shahsuvor ota» degan ma’lumotlarni ko‘rishimiz mumkin. Shu va boshqa ma’lumotlarga ko‘ra ul zoti boborakot zamonasining etuk mufassir olimlaridan biri ekanligi ayon bo‘ladi. Samarqand qozi kaloni Abu Toxir xoja bejizga u kishini «Xanafiya mazxabining yirik mujtahidlaridan» deb keltirmagan. 

Imom Faxriddin hazratlari mahalliy xalq nazdida Roziy atamasi bilan qo‘shib aytiladi. Keyinchalik biz tarixda o‘tgan Imom Faxriddin Roziy xaqlarida Abdurazzoq Samarqandiyning «Matla’us sa’dayn va majma’ul bahrayn» asarida Imom Faxriddin Roziy xaqlarida to‘xtalib, Hirot shahrida vafot etganligini qayd etadi.

Abduraxmon Ad-Daromiy ziyoratgohi - bu zoti barokat 181 Xijriy (mil. 798) Samarqandning qadimiy Doram mavzeida tavallud topgan. Hadislarni Hijoz, Shom, Misr Iroq va Xurosonda ko‘p odamlardan eshitganlar. O‘zining sahihi bilan Imom Muslimning Shayxlaridan (ustozlaridan) sanaladi. Samarqandda qozilik lavozimida xizmat qilganlar. Bir kuni (ya’ni sud protsessini) oxirigacha olib boradi, agar biror kishi avf qilishlarini so‘rasa avf qilar edilar. Samarqandda hadis ilmini yoydilar. U kishining ko‘p sonli kitoblari bordur. Mashhur kitoblari «Aljomnus sahih», «Almusnad» nomi bilan mashhur va ma’lumdir.