Samarqand viloyatida qishloq turizimini rivojlantirishning geografik xususiyatlari

G‘avsul A’zam ziyoratgohi - Urgut tumani G‘o‘s qishlog‘ida joylashgan. Islom dunyosining mutafakkiri Abduqodir G‘iloniy sharafiga ramziy maqbara qurilgan. Mustaqillik yillarida ziyoratgohda tuman hokimligining tashabbusi bilan milliy me’morchilik talablari asosida qo‘shimcha binolar qurildi. Ziyoratgoh huzurida boy eksponatlar bilan ta’minlangan o‘lkashunoslik muzeyi mavjud.

Xo‘ja Chorchinor ziyoratgohi - Urgut shahrida joylashgan. Xushhavoligi va maftunkor manzarasi bilan ajralib, muzdek zilol suvi oqib turadi. Ziyoratgohdagi chinorlarning yoshi 1000 yildan oshgan, degan taxminlar bor. Kirish darvozasidan boshlangan markaziy yo‘lakning ikki tomonidan yuqoriga qarab chinorlar tizmasi qad rostlab borgan. Chap qatordagi chinorlar ichida ikkinchi chinor o‘zining kengligi bilan kishilar diqqatini tortadi.

Xo‘ja Omon ziyoratgohi - Ziyoratgohda islom dinining mashhur namoyondasi Xo‘ja Omon qabri ustida muhtasham maqbara tiklangan. Ziyoratgohda keyingi yillarda keng miqyosda obodonchilik ishlari olib borildi. Hozirda ziyoratchi sayyohlar uchun masjid, tohoratxona va oshxonalar xizmat qilib turibdi.

Shirvoq ota ziyoratgohi - Urgut tumani Xo‘jayduq qishlog‘ida joylashgan. Tog‘ etagida katta va keng g‘or bo‘lib uning ichida mahalliy aholi Shirvoq ota deb ataydigan avliyo kishining qabri bor. Har yili bahor va yoz oylarida bu erga qo‘shni viloyat hamda tumanlardan ham ko‘plab ziyoratchilar kelishadi. Shirvoq ota muzdek suv chiqib turuvchi muqaddas chashmalari bilan mashhur.

Teshiktosh gormorfologik majmuasi - Urgut tumani Qoratepa qishlog‘ida joylashgan. Samarqand-Termiz yo‘lidan Qoratepa qishlog‘iga kiraverishda o‘ng tomonga e’tibor bersangiz, teshik toshga ko‘zingiz tushadi. U ikki ulkan ko‘chqorning bir-biri bilan shoxlashib turishiga o‘xshaydi. Germaniyalik kinoijodkorlar suratga olgan mashhur «Apachi» filmi xuddi ana shu joylarda suratga olingan. Bunday joylarni reklama qilish va qiziqtirish orqali sayyohlarni keng jalb qilish mumkin.

Tayloq tumani qishloq turizm imkoniyatlari. Tayloq tumani qishloqlarining turistik salohiyatining o'ziga xosligi uning geografik joylashuvi, turli millat va elatlarning yashashi, milliy xunarmandlik bilan bandligi, qishloq xo'jaligining ixtisoslashuvi, urf-odatlarining rang-barangligi tumanda qishloq turizmini rivojlantirish imkoniyatlarini oshiradi. Tayloq tumani avalambor Samarqand shahriga yaqinligi katta o’zbek transport yo’li bo’ylab joylashganligini qo’shni Urgut, Samarqand va Jomboy tumanlari bilan chegaralanganligining o’zi geografik jihatdan qulaylikni taminlasa ikkinchi tomonda Zarafshon daryosi hudud xo’jalik tarmoqlarining shakillanishi va rivojlanishiga xizmat qilgan. Shu bilan birgalikda bu hududda xalqlarning o’ziga xos urf odatlari , an’analari ishbilarmonlari tadbirkarlari uning tarixiy taraqqiyoti jarayonining vujudga kelishi va tumanning iqtisodiy geografik jihatdan rivojlanishi muhim asos bo’lgan.