|
Tuman va xalq xo’jalik obyektlarida qo’mondon-shtab o’quv mashg’ulotlarini o’tkazish uslubi
Qo’mondon-shtab o’quv mashg’ulotlari FM qo’mondon shtab o’quv mashg’ulotlari shahar, tuman, FVDT xizmatlari, boshqaruv tizimi rahbarlari, favqulodda vaziyatlar va evakuasiya qilish komissiyalari, harbiylashmagan (maxsus) yig’ma qo’shilmalar hamda xalq xo’jaligi rahbarlar tarkibi, fuqaro muhofazasi shtabi a’zolari, obyektda tashkil etilgan harbiylashmagan tuzilmalar bilan o’tkazadi.
Qo’mondon-shtab boshqaruvi bunda muhim hisoblanadi. Rasm-3.11 da boshqaruv punktlari strukturasi sxemasi keltirilgan. Boshqaruv shu sxemaga asosan olib borilishi mumkin.
Xuddi shuningdek, Respublika subyektlari bo’yicha FVda tavvakalchilik (riskli) boshqaruv sistemasini ham qo’llash mumkin. Ushbu sxema rasm-3.12 da keltirilgan.
Qo’mondon-shtab o’quv mashg’ulotlarini tayyorlash va o’tkazish uchun tegishli rahbariyat tashkil etiladi. Unga mashq rahbari, rahbariyat shtabi, mashq rahbarining o’rinbosarlari, yodamchilari, va vositlachilari kiradi.
O’quv mashg’ulotlari, rahbariyat tarkibi tassarufidagilarni boshqarishda mustahkam ko’nikmalar hosil qilishda, FV sodir bo’lishi xavfi paydo bo’lganda uning rivojlanishini to’xtatishda hamda ularni oqibatlarini bartaraf etishda sharoitni to’g’ri baholashda imkon beradi. FM rejasidagi tadbirlarni mashq qilish qay darajada rejalashtirilganligini baholash va zamonaviy zarba vositalari qo’llanganda oqibatlarini bartaraf etish bo’yicha qaror qabul qilish, ijrochilarga aniq vazifalar berish va ularning bajarilishni tashkil etish o’quv mashqlarini negizidir.
Tuman qo’mondon-shtab o’quv mashqni tayyorlash va o’tkazish bo’yicha barcha ishlarning tashkilotchisi viloyat hokimi - FM boshlig’i bo’lib u o’quv mashq rahbari hisoblanadi.
O’quv mashg’ulotlari rahbarining o’rinbosarlari va yordamchilari etib viloyat miqyosidagi FM xizmatchilari, boshqarma boshliqlari yoki mashqga jalb etilayotgan obyektlarning rahbarlari tayinlanadilar.
Ra
Mustaqil davlatlar hamdo’stligi mamlakatlarida aholi hududlarni favqulodda vaziyatlardan muhofaza qilish tizimi xususiyati
Rossiyada aholi hududlarni FV muhofaza qilish ishlari 1991 yili RSFER hukumati qarori bilan Rossiya qutqaruvchilar korpusi tuzilishi bilan boshlandi. 1994 yil yanvarda FM, FV va tabiiy ofatlar oqibatini tugatish ishlari bo’yicha vazirlik tashkil etildi. Federal va mahalliy organlar harakatlarini, ularni kuch va vositalarni birlashtirish maqsadida 1992 yil FV oldini olish va ogohlantirish Rossiya tizimi tuzildi. Shu yili iyul oyida FM va FV qidiruv-qutqaruv xizmati va Davlat markaziy aeromobil otryadi tashkil etildi. Rossiyada mutaxassislarni tayyorlash va malakasini oshirish konsepsiyasi ishlab chiqilgan. Konsepsiya uzluksiz, ko’p bosqichli, kompleksli va ko’p rejali asosida o’qitishni ko’zda tutadi.
Rossiya tezkor tibbiy xizmati (SEMP) - markazlashtirilgan umumdavlat xizmati bo’lib, FV oldini olish va harakat qilish umumdavlat tizimining tarkibiy qismi hisoblanadi. U hududiy tamoyil asosida tashkil etilgan. SEMPning asosini shikastlanganlarga tezkor tibbiy yordam ko’rsatish markazlari, ixtisoslashtirilgan tibbiy va doimiy shay holatda turuvchi brigadalar, shu jumladan idoraviy sog’liqni saqlash tuzilmalar iashkil etadi. Rossiya hozirda FM va RFVT bilan integrasiyalash yo’li bilan rivojlantirish, ya’ni Rossiya fuqaro muhofazasi tizimini (RFMT) tashkil etish bo’sag’asida turibti.
Buning sabablari:
Yadro hukmronligi potensialini kamayishi kimyoviy qurollarning taqiqlanishi va yo’q qilinishi.
Terrorizm avj olayotgan turli harbiy nizolar kelib chiqayotgan, xavf kuchli obyektlarga zarba berilayotgan, tabiiy va texnogen FV soni va ko’lami oshib ketgan bir vaqtda RFVT kuch va vositalariga ham FM kuch va vositalariga ham doimiy ehtiyoj sezilib qoldi.
Mamlakat boshidan kechirayotgan qiyinchilik sharoitida bu birlashgan tizimni yaratish, uning ushlab turishga ketadigan sarfxarajatlarini kamaytiradi va bu tizim potensialini yuqori darajaga ko’tarishga imkon beradi.
Rossiya Davlat Dumasi bir qator federal qonunlar qabul qilgan: «Xavfsizlik to’g’risida» (1992 y.); «Aholi va hudularni tabiiy va texnogen xususiyatli FVdan muhofaza qilish to’g’risida» (1994 y.); «Aholining radiasiyaviy xavfsizligi to’g’risida» (1994 y.); «Avariya-qutqaruv xizmatlari va qutqaruvchilar statusi to’g’risida» (1996 y.); «Gidrotexnik inshootlari xavfsizligi to’g’risida» (1997 y.).
Shuningdek Rossiya federasiyasi milliy xavfsizligi (1997 y.) qabul qilingan, Rossiya prezidentining «Rossiya federasiyasi fuqaro mudofaasi» farmoni e’lon qilindi.
Rossiya hukumati ishlab chiqarish obyektlari xavfsizligi deklarasiyasi to’g’risidagi nizomni tasdiqladi. Hukumat tomonidan «Favqulodda vaziyatlarni oldini olish va tugatish yagona vazifalardan muhofaza qilish sohasida tayyorlash tartibi to’g’risida», «Tinchlik va harbiy davrdagi favqulodda vaziyatlarda aholiga xabar berish uchun radio va televizion stansiyalaridan foydalanish tartibi to’g’risida» kabi qurorlar qabul qilindi.
Belorussiya Respublikasi Prezidenti 1998 yilning 11 sentyabrida FVVni qayta tiklash to’g’risidagi farmonga imzo chekdi. Bunga ko’ra ichki ishlar vazirligidan harbiylashtirilgan yong’in xizmati (XYoX) ajratib olindi va u FVV negizi bo’lib qoldi. Unga oldin tashkil etilgan Chernobil AESI halokati muammolari bo’yicha qo’mita, sanoatda va yadro energetikasida ishlarni xavfsiz olib borishni nazorat qilish qo’mitasi, Minsk shahar harbiylashtirilgan yong’in qismi boshqarmasi va Belorussiya XYoXning to’la tarkibi qo’shildi.
1999 yil 11 yanvarda FVV haqidagi Nizom tasdiqlanib, Favqulodda vaziyatlar vaziri tayinlandi.
Har bir qishloqda ikki kishidan iborat qutqaruv postlari tashkil etildi. Navbatchilik qiluvchilar mahalliy joyni, aholini, bo’lishi mumkin bo’lgan Fvni yaxshi biladi va ular faqatgina olovda birinchi yordam ko’rsatishi ham zarur.
FVVning asosiy vazifasi kadrlar tayyorlash va FV bo’yicha o’quv poligonlari tashkil etishdir.
Do'stlaringiz bilan baham: |
