Samarqand iqtisodiyot va servis instituti raxmatulla xaitboyev ekologik turizm

1. «Dengizko‘l» davlat ornitologik buyurtmaxonasi 
O‘zSSR 
Vazirlar Kengashining 1973-yildagi 530-sonli qarori bilan 
tashkil qilingan, faoliyat muddati Buxoro viloyati ijroqo‘mining 
26.06.90-yildagi 157-11-sonli qarori bilan (muddatsizga) uzaytirildi. 
Buyurtmaxona maydoni 50 ming ga. Tashkil qilishdan maqsad – 
uchib o‘tadigan suvda suzuvchi qushlarni muhofaza qilish va qayta 
tiklash, qishlash yerlarini, yashash muhitini saqlab qolishdir. 
2. «Qoraqir» davlat buyurtmaxonasi 
Buxoro viloyati 
ijroqo‘mining 25.01.92-y.dagi 15-1-sonli qarori bilan tashkil 
qilingan. Buyurtmaxonaning muddati cheklanmagan. Maydoni 30 
ming ga. Tashkil qilishning maqsad – uchib o‘tadigan qushlar va 

---

150
151
boshqa hayvonlarni, ular yashash va ko‘payish yerlarini muhofaza 
qilishdan iborat.
3. Arnasoy ornitologik buyurtmaxonasi
Jizzax viloyati Forish 
tumanidagi Tuzkon ko‘lida O‘zSSR Vazirlar Kengashining 
9.09.83-yildagi 521-sonli qarori bilan tashkil qilingan. 
Buyurtmaxona maydoni 63,3 ming ga. Buyurtmaxona muddati 
cheklanmagan.Tashkil qilishdan maqsad – uchib o‘tadigan va uya 
quradigan qushlarni muhofaza qilishdir. 
4. «Saygachi» davlat buyurtmaxonasi 
Qoraqalpog‘iston 
Respublikasi Vazirlar Kengashining 29.11.91-y.dagi 311/42-sonli 
qarori bilan tashkil qilingan. Qoraqalpog‘iston Respublikasi 
Mo‘ynoq tumanida joylashgan. Qoraqalpog‘iston Respublikasi 
Vazirlar Kengashining 11.02.2001-y.dagi 33/1-sonli qarori bilan 
buyurtmaxona tartibining amal qilish muddati 2020-yilgacha 
uzaytirildi. Buyurtmaxona maydoni 1 mln. ga. Buyurtmaxona 
sayg‘oqlar CITES II va ular yashash joylari – migratsiya yo‘llari, 
qishlash va ko‘payish yerlari, shuningdek, boshqa, birinchi 
navbatda,«Qizil kitob»ga kiritilgan hayvonlar – tuvaloq, yo‘rg‘a-
tuvaloq kabilarni muhofaza qilish maqsadida tashkil qilingan.