Samarqand iqtisodiyot va servis instituti Marketing kafedrasi Tijorat faoliyati fani

Mavzu: Tijorat faoliyatida psixologiya va etika. Tijoratchi-tadbirkor etiketi.

Ushbu maruza tayyorlandi:

Eshnazarov Sardor tomonidan

Reja:

1. Tijorat faoliyati bilan shug’ullanuvchining shaxsiy va professional talablari.

2. Tijoratchi-tadbirkor etiketi.

3. Ish yuzasidan o’tkaziladigan uchrashuvlarni tashkillashtirish va olib borish.

4. Tijorat ishida yozma xatlar.

5. Tijoratchilar imiji va ijobiy taassurot qoldirish yo’llari.

6. Tijorat faoliyatida munosabat qilishning universal qoidalari va tijoratchilarga xos fazilatlar.

1. Tijorat faoliyati bilan shug’ullanuvchining shaxsiy va professional talablari

Tijorat faoliyati tadbirkorlik va biznesning asosi bo’lib, tijoratchi esa oldi-sotdi jarayonida asosiy ishtirokchi hisoblanadi. Adolatli va o’zaro foydali shartnomalarni tuzish mahorati – tijoratchining professional sifati jihatidan juda ahamiyatli hisoblanadi. Tijoratchining professonal talablari chuqur va keng maxsus bilim hamda ko’nikmalarga ega bo’lishni talab etadi.

Buning uchun tijoratchi quyidagi bilim va ko’nikmalarni puxta egallagan bo’lishi kerak:

• tovarlarni harid qilish va sotish, tashqi iqtisodiy operasiyalarni o’z ichiga olgan holda;
• marketing faoliyati;
• boshqaruv va huquq;
• buxgalteriya hisobi;
• moliyalashtirish va soliqlar.

Tijoratchining professonal talablari bilan birgalikda shaxsiy talablari ham mavjud. Tijoratchi quyidagi shaxsiy talablarga ega bo’lishi kerak:

• mas’uliyatli va tavakkal qilishga tayyor turish;
• to’g’rilik, ishonch, berilgan so’ziga sodiqlik;
• ruhiy va jismoniy yetuk bo’lish;
• tashabbuskor, tezkor va bilimdon;
• samimiylik, odamlarga do’stona munosabatda bo’lish;
• tashkilotchilik xususiyatiga ega bo’lish;
• javobgarlikni his qila bilish;
• tezkor va aniq qaror qabul qiladigan qobiliyatga ega bo’lish;
• maqsad sari intiluvchanlik xususiyatiga ega bo’lishi kerak.