Samarqand iqtisodiyot va servis instituti marketing kafedrasi

8-mavzu: B2B bozorida marketing tahlili va raqobat razvedkasi
8.1. B2B bozorida marketing samaradorligi tahlili.
8.2. Marketing faoliyatini baholash. Marketing faoliyati ko’rsatkichlarini tahlil qilish.
8.3. Raqobat muhiti. Raqobat ustunligi tahlili. Raqobatbardoshlik ko’rsatkichlari.


8.1. B2B bozorida marketing samaradorligi tahlili.
Marketing faoliyati samaradorligi ko’p jihatdan marketing xizmati xodimlarining ish faoliyati bilan bog’liq. Shuning uchun marketingni boshqarish samaradorligini aniqlash orqali korxonada marketing faoliyatini tashkil etilishini baholash mumkin. Marketingni boshqarish samaradorligini aniqlashning asosiy usuli so’rov hisoblanadi.
Marketingni boshqarish samaradorligini baholash marketing funksiyalarining bajarilishi bo’yicha so’rovnoma asosida amalga oshiriladi. Buning uchun aniq korxonaning marketing xizmati tomonidan marketing funksiyalarini bajarilishi bo’yicha tegishli savolnoma tuzish lozim. Savolnomada korxona marketing xizmatining marketing tadqiqotlari, bozor segmentasiyasi va mahsulotni mavqyelashtirish, marketingni rejalashtirish va marketing kompleksini ishlab chiqish bilan bog’liq faoliyati qamrab olinadi. Demak, asosiy e’tibor marketingning funksiyalariga qaratiladi. Marketing funksiyalarining bajarilishi aynan marketing faoliyati samaradorligiga o’z ta’sirini ko’rsatadi.
Tuziladigan savollarda 3 tadan javoblar mavjud bo’lib, ular 0 dan 2 gacha bo’lgan ballarda baholanadi. Har bir savol uchun maksimal ball – 2 ball. Anketadagi har bir savol uchun ballar soni 1-jadvalga muvofiq belgilanadi.
8.1-jadval