Samarqand iqtisodiyot va servis instituti bektemirov a., Omonov a. A., Xaydarov z. Sh., Niyozov z. D. Tijorat banklari aktiv va passivlarini

 
Qisqacha xulosalar 
Tijorat banklarini moliyaviy barqarorligini taʻminlash, ularni resurs bazasini 
mustahkamlash Oʻzbekiston Respublikasi bank tizimini oʻrta muddatli istiqbolda 
rivojlantirishni ustuvor yoʻnalishlaridan biri hisoblanadi. Bu esa, oʻz navbatida, 
tijorat banklarida strategik rejalashtirishni takomillashtirish zaruriyatini yuzaga 
keltiradi. 
Tijorat banklarida strategik rejalashtirish deganda bankni quyidagi faoliyat 
yoʻnalishlari boʻyicha boshqarish strategiyalarini muqobil ssenariylarini ishlab 
chiqish jarayonlari tushuniladi: aktivlarni boshqarish; resurslarni boshqarish; 
risklarni boshqarish; personalni boshqarish; marketing.
Tijorat banki faoliyatini har bir yoʻnalishi boʻyicha strategik rejalashtirish 
ishlab chiqilgan boʻlishi va uning pirovard maqsadi bank aktivlarini daromadliligi 
va risk darajalari oʻrtasidagi mutanosiblikni taʻminlashga qaratilgan boʻlishi kerak. 
Tijorat banklarini likvidliligi va moliyaviy barqarorligini taʻminlash, ularni 
resurs bazasini mustahkamlash bilan bogʻliq boʻlgan muammolarni mavjudligi 
banklarda strategik rejalashtirishni takomillashmaganligidan dalolat beradi. 

---

124 
Tijorat banklarida tezkor rejalashtirish deganda strategik rejalashtirishda 
koʻzda tutilgan reja koʻrsatkichlarini bajarilishini taʻminlashga qaratilgan tadbirlar 
tushuniladi. 
Tijorat banklarida tezkor rejalashtirish bank faoliyatini boqsharish 
jarayonida 
aniqlangan 
oʻzgarishlarning 
sabablarini 
aniqlash 
va 
ushbu 
oʻzgarishlarni salbiy taʻsiriga barham berish choralarini ishlab chiqishda muhim 
ahamiyat kasb etadi.