Samarqand davlat universiteti o. E. Toshmurodov, B. B. Kipchakov, A. T. Umarov kurash turlari va uni

Musobaqa yuklamasi - musobaqa faoliyati hajmi va shiddatining son miqdori.
Kurashchining asosiy holatlari - sport tayyorgarligi jarayonida kurashchilar tomonidan qo‘llaniladigan holatlar.
Tik turish - kurash olib borish uchun zarur bo‘lgan, kurashchining tik turgan holati.
O‘ng tomonlama tik turish - kurashchining (raqibga nisbatan) o‘ng oyog‘ini oldinga chiqarib turgan holati.
Chap tomonlama tik turish - kurashchining (raqibga nisbatan) chap oyog‘ini oldinga chiqarib turgan holati.
Yalpi tik turish - kurashchining tik turishdagi holati bo‘lib, bunda uning oyoq kaftlari gavdasining yalpi tekisligida turadi.
Kurash texnikasi - kurashchining g‘alabaga erishish uchun qo‘llaniladigan, qoidalarda ruxsat berilgan harakatlari yig‘indisi.
Usul - kurashchining g‘alabaga yoki raqib ustidan ustunlikka erishish uchun hujum qilinayotgan kurashchi holatini gilamga nisbatan o‘zgartirishga qaratilgan harakat.
Himoyalanish - kurashchining hujum qiluvchi tomonidan amalga oshirilayotgan usulni to‘xtatib qolishga qaratilgan harakat.
Qarshi usul - kurashchining raqib usuliga qarshi javob usulini bajarishga qaratilgan harakat.
Yelkadan oshirib tashlash - usul bo‘lib, bunda kurashchi raqibning chap yoki o‘ng yeng va yoqa qaytarmasidan ushlab yelkalaridan oshirib gilamga tashlaydi.
Supurma - usul bo‘lib, bunda kurashchi raqib yaktagining qulay joyidan ushlab, o‘ng yoki chap oyog‘i bilan raqibni supurib gilamga tashlaydi.
Qo‘shsha - usul bo‘lib, bunda kurashchi raqib yaktagining qulay joyidan ushlab, har tomondan to‘xtamasdan oyoq bilan raqib oyog‘ni urib gilamga tashlaydi.