Samarqand davlat universiteti o. E. Toshmurodov, B. B. Kipchakov, A. T. Umarov kurash turlari va uni

12.1.2 Qadam bilan hamohang yon tomondan supurib tashlash 
Raqib yon tomonlarga harakatlanganda bu usulni bajarish qulay (8-
rasm). 
DH – kurashchilarning olishuvni boshlash holati. Ushlashlar raqibi 
tirsaklarining pastrog‘idan ushlaydi. 
1- yon tomonga qadam qo‘yib, qo‘llar yordamida raqibni o‘zi bilan 
barobar qadam tashlashga majbur qilish. 
2- raqib o‘zining uzoqdagi oyog‘ini gilamga qo‘yishi bilan, qo‘llar 
harakatini davom ettirgan holda, hujumdagi oyog‘ini, uning tanasi 
og‘irligidan bo‘shab, raqib tirsaklarini ichkariga va yuqoriga ko‘targan 
holda, yon tomonidan hujumdagi oyoqni boldiri bilan uning oyog‘iga 
chaqqonlik bilan urish. 
3-4- hujumdagi oyoq bilan raqibning ikki oyog‘iga urib gilamdan 
uzib, qo‘llar tortuv kuchiga qarshi tomoniga yelkasi bilan gilamga 
tashlash. 
5-6- raqibning yiqilishi aniq bo‘lgandan keyin, uning uzoqdagi 
qo‘lini qo‘yib, unga o‘zini ehtiyot qilish imkonini berib, hujumdagi 
oyoqni gilamga qo‘yib mustahkam holatda turish. 
 
8-rasm 

---

155 
12.1.3
Ichkaridan raqib oyoq kaftidan, tovonidan supurish 
Raqib oyoqlarini keng qo‘ygan holda, orqaga siljib uni o‘ziga 
tortadi va qulay holda bu usulni amalga oshiradi (9-rasm). 
DH – kurashchilarning olishuvni boshlash holati. Ushlashlar chap
 
yoki o‘ng yeng va yoqadan. 
1- o‘ziga siltab tortib, tana og‘irligini tayanch oyog‘iga o‘tkazish. 
2-3- kurashchi hujumchi oyog‘i bilan katta qadam qo‘yib raqibga 
yaqinlashib, oyoqni gilamga qo‘ymay, raqibning shu oyo‘g‘ini 
tovonidan o‘rab olib uni gilamdan uzish. 
4-5- kurashchi oldinga harakatni davom ettirib, raqibning hujum 
oyog‘ini urib, uni gilamga qo‘yishga imkon bermaslik va raqibni yelkasi 
bilan gilamga yiqitish.