Samarqand davlat universiteti I. T. Ergashev, D. S. Normurodov, B. M. Eshonqulov sabzavot ekinlari seleksiyasi

FAROVON
 
Bu nav kartoshkaning tezpishar tipiga mansub bo‟lib, oʻsimlik bo‟yi 65-80 
sm, o‟rtacha 3-4 ta poya hosil qiladi. O‟simlik barglari murakkab to‟q yashil 
rangda bo‟lib, burglar soni o‟rtacha har bir o‟simliklda 120-140 donani tashkil 
qiladi.

---

196 
To‟pguldagi gullari yoyilgan, kattaligi o‟rtacha va gultoji barglari oq rangda. 
Mevasi rezavor bo‟lib, 1000 dona urug‟ vazni 0,5-0,6 g ni tashkil etadi. 
Tuganak rangi sarg‟ish, po‟sti silliq, ko‟zchalari yuza joylashgan. 
Nav tezpishar, unib chiqishdan to palak sarg‟ayishigacha bo‟lgan davri 71 kun. 
Virusli kasalliklarga chidamli, zararkunandalarga o‟rtacha chidamli. Hosildorligi 
gektaridan o‟rtacha 27-31 t. 
Ekish me‟yori gektariga 3-3,5t urug‟lik tuganak ekiladi. Ekishning eng 
maqbul muddati bahorda mart oyining 1-o‟n kunligi, yozgi muddatda iyul oyining 
1-o‟n kunligi hisoblanadi. 
FERUZA
Samarqand veterinariya meditsenasi intituti 
(SamQXI)da 
VNIIKX 97-1994 
х F
2
(95-26-2) duragayidan yakka klonli tanlash yo‟li bilan I.T.Ergashev, 
Sh.Jabborov, B.M.Eshonqulov, F.A.Oblaqulov, D.S.Normurodov, M.A.Hasanov 
va F.I.Tashkentboyevlar tomonidan yaratilgan. 

---

197 
2019-yilda Respublikada ekish uchun qishloq xo‟jalik ekinlari Davlat reyestriga 
nav sifatida kiritilgan.
Ushbu nav kartoshkaning o‟rta tezpishar tipiga mansub bo‟lib, o‟simlik 
bo‟yi 75-80sm, o‟rtacha 3-4 ta poya hosil qiladi. O‟simlik barglari murakkab to‟q 
yashil rangda bo‟ladi. Barglar soni o‟rtacha 140-160 dona bo‟lishi kuzatiladi. 
Gajak to‟pguldagi gullarni yoyilgan, kattaligi o‟rtacha va gultojibarglari rangi och 
pushti-binafsharang ko‟rinishda bo‟ladi. Mevasi ko‟sak bo‟lib, 1000 dona urug‟ 
vazni 0,5-0,6 grammni tashkil etadi. Tuganagi rangi qizil bolib, po‟sti silliq, 
ko‟zchalari yuzada joylashgan va saqlanuvchanligi yaxshi. 
Nav o‟rta tezpishar, unib chiqishidan to to‟liq pishishigacha bo‟lgan davri 
76-80 kun. Virusli kasalliklarga chidamli, zararkunandalarga o‟rtacha chidamli 
bo‟lib, ekin maydonlarida o‟rtacha 28-32 t/ga hosil berish imkoniyati ega. 
Ekish me‟yori gektariga 3-3,5t urug‟lik tuganak ekiladi. Ekishning eng maqbul 
muddati bahorda mart oyining 1-o‟n kunligi, yozgi muddatda iyul oyining 1-o‟n 
kunligi hisoblanadi.