Samarqand davlat universiteti biologiya fakulteti odam va hayvonlar fiziologiyasi va biokimyosi kafedrasi

3.4 - rasm. so‘nuvchi tormozlanishning hosil bo‘lishi.

a-shartli ovqat refleksi; b-biologik manfiy reaksiyaning paydo bo‘lishi oqibatida ovqat reaksiyasini qisman tormozlanish bosqichi; v-ovqat reaksiyasini to‘liq tormozlanish bosqichi. 1-analizator; 2-ovqat reaksiyasini po‘stloq vakili; 3-biologik manfiy reaksiyaning po‘stloq vakili; 4- qo‘shimcha tormozlanish uchun yo‘l [A.D. Nozdrachev, 1991].

2. Differensiyalashgan tormozlanish – xususiyatlari bo‘yicha quvvatlovchi signallarga yaqin bo‘lgan qo‘zg‘atuvchilar quvvatlanmagan paytda rivojlanadi. Tormozlanishning bu turi har xil qo‘zg‘atuvchi-larga asoslangan bo‘ladi. Differensiyalashgan tormozlanish yordamida turli o‘xshash qo‘zg‘atuvchilarning orasidan bitta quvvatlovchiga reaksiya qiladigani ajratiladi, ya’ni uning uchun biologik jihatdan muhim bo‘lgani, boshqa o‘xshash qo‘zg‘atuvchilarga esa shartli reaksiya sust namoyon bo‘ladi yoki umuman bo‘lmaydi.