Samarqand davlat universiteti biologiya fakulteti botanika kafedrasi

2. O‘simliklarni halq xo‘jaligidagi ahamiyati. 
O‘simliklar  yer  yuzidrgi  hayotni  saqlash  uchun  energiya  manbai  hisoblanadi.  Eukariot 
guruhiga kiruvchi o‘simliklarni hujayrasida yashil rang beruvchi xlorofill (yunon. xloros-yashil; 
fillon-yaproq, barg) bor. 
O‘simliklar  fotosintez  natijasida  inson  va  hayvonlar  hamda  o‘simliklarni  nafas  olishi 
uchun  eng  zarur  bo‘lgan  kislorodni  chiqaradi  va  atmosfera  tarkibidagi  kislorodni  ma’lum  bir 
muvozanatda saqlab turadi. 
O‘simliklar  tirik  organizmlar  bilan  tashqi  muhit  orasida  doimiy  gazlar  (kislorod  va 
karbonat angidrid) almashinuvida vositachi hisoblanadi.  
Planetamizdagi yashil o‘simliklar har yili fotosintez natijasida 150 mlrd t organik modda – 
qand (glyukoza) tayyorlaydi.  
O‘simliklar  hayvonlarga  oziq  bo‘lishi  bilan  birga  yerda  yashil  qatlam  hosil  qiladi  va 
iqlimga ta’sir etadi. 
O‘simliklar inson hayotida juda katta ahamiyatga ega. Shuning uchun ham hozirgi vaqtda 
dunyo miqyosda 2 mingdan ortiq o‘simlik turlari va navlari madaniylashtirilib ekiladi. 
Hozirgi  ilmiy-texnika  taraqqiyoti  sharoitida  hamma  o‘simliklar  foydalanishiga  qarab, 
amalda  bir  qancha  guruhlarga  bo‘linadi.  Bularni  orasida  oziq-ovqat  bo‘ladigan,  tola  beruvchi, 
yog‘och-sellyuloza beruvchi, bo‘yoq beruvchi, oshlovchi, dorivor, kauchukli o‘simliklar.