Samarqand davlat tibbiyot instituti

gistomuvofiqlik 
antigenlari
 
deb ham ataladi. 
Jahon sog‘liqni saqlash tashkiloti (JSST) tavsiyalariga muvofiq, 
HLA tizimining quyidagicha nomenklaturasidan foydalaniladi: 

HLA - 
Human Leycocyte Antigen -
tizimining nomlanishi; 

A, B, C, D - gen lokuslari yoki tizim mintaqalari; 

1, 2, 3 - HLA tizimi gen lokuslari ichidagi aniqlangan allellar 
miqdori; 

W - yetarlicha o'rganilmagan antigenlarni belgilash uchun 
ishlatiladigan belgi. 
HLA tizimi barcha ma’lum antigen tizimlari orasidagi eng 
murakkabi hisoblanadi. Genetik jihatdan HLA-antigenlari to’rtta - A, B, 

---

K.M. Abdiyev, U.D. Dadajanov, A.G. Madasheva
47 
C, D lokuslariga tegishli bolib, ularning har biri o'zida allel antigenlarini 
birlashtiradi. Antigen gistomuvofiqlikni aniqlash imkonini beruvchi 
immunologik tadqiqotlarda ular to'qimaviy turlanish deb ataladi. 
HLA tizimining to‘qimalar transplantatsiyasi uchun ahamiyati juda 
ham katta. HLA tizimi alloantigenlarining A, B, C, D lokuslari, 
shuningdek ABO tizimi klassik qon guruhlari agglutinogenlari 
gistomuvofiqlik borasidagi ma’lum yagona aniq tizimi deb hisoblanadi. 
Ko’chirib o’tqazilgan a'zo va to‘qimalarning tana tomonidan tezlikda 
qabul qilinmasligini oldini olish uchun retsipiyent va donor ikkalasi ham 
ABO tizimi bo‘yicha bir xil qon guruhiga ega bo‘lishi hamda retsipiyent 
donor tanasidagi HLA-genlar A, B, C, D alloantigenlarining lokuslariga 
qarshi antitanachalarga ega bo’lmasligi lozim. 
HLA-antigenlarning, shuningdek qon, leykositlar va trombositlar 
quyishdagi ahamiyati katta hisoblanadi. HLA tizimi antigenlari bo‘yicha 
takroriy homiladorlikda ona va homilaning o‘zaro nomuvofiqligi homila 
tushishiga yoki homila o’limiga olib kelishi mumkin.