Samarqand davlat tibbiyot instituti. Mavlyanov f. Sh., MAVLYANOV Sh. X., Xayitov u. X. Tibbiyot kasbiga kirish

Bintli bog’lovlar turi.
1.
Eng oddiy bog’lov - aylana bog’lovdir
. Bunda bintning uchi badanning 
bog’lanadigan qismiga qo’yiladi, chap qo’lida tutib turib, o’ng qo’l bilan 
bint o’raladi. Birinchi qavat bint o’rami, ikkinchi qavati bilan qoplanishi 
lozim. Bog’lovlar mahkam bo’lishi uchun bintning uchi birinchi qavat 
o’ramining ustiga qisman buklanib qo’yilishi kerak va keyingi o’ramlar 
buklangan uchni bosib turadi. Bu bog’lovni kaft usti, boldirning pastki 
qismi, peshona sohalari kasalliklarida qo’llash qulaydir. 
2.
Burama bog’lash
huddi yuqorida qayd etilgandek, 2-3 marta aylantirib 
bog’lash bilan boshlanadi, undan keyin bintlarning o’ralishi qiyshiq 
yo’nalishda, avvalgi qavatning faqat 2-3 qismini qoplab o’raladi: bog’lov 
pastdan yuqoriga (qutariluvchi) yoki yuqoridan pastga (tushuvchi) qarab 
bog’lanadi. Аgar bog’lanayotgan qismi hammasi bir xil yo’g’onlikda bo’lsa, 
bunday bog’lov yaxshi turadi, masalan, yelka, ba’zida son. Yo’g’onligi bir 
xil bo’lmagan qismlarda masalan, boldir bilan bunday bog’lov tekis 
o’ralmaydi va bintni buklab bog’lashda to’g’ri keladi. Bint quyidagiday 
buklanadi: burama bog’lashda bint ko’proq qiyshaytirib o’raladi, chap 
qo’lning bosh barmog’i bilan uning pastdagi cheti tutib turiladi, bintning 
boshi bir oz ochiladi va bintni o’ziga qaratib buklanadi, shuning bilan 
buning yuqoriga cheti pastda bo’lib qoladi va aksincha. Badanning 
bog’lanayotgan qismlarining yo’g’onligi qanchalik notekis bo’lsa, bint 
shunchalik tikka buklanadi. Bundan so’ng yana oddiy burama bog’lash 

---

98 
davom etiladi yoki kerak bo’lishiga qarab yana buklab bog’lanadi. Hamma 
buklanishlar bir tomondan va bir chiziqda bo’lishi shart. 
3. 
Siyrak bog’lov 
- burama bog’lovni eslatadi. Bu bog’lov dastlab materialni 
vaqtincha tutib turish uchungina qo’llaniladi, undan keyin odatdagi mustahkam 
burama bog’lov qo’yiladi. 
4.