Самарканд Давлат Архитектура-курилиш институти

4.1. Метаморфик тоғ жинсларининг ҳосил бўлиши.
Ер юзасида нураш жараёни доимий хукм суради. Ер юзасидан маълум чукурликда цементация зонаси жойлашади. Бу зонада говакдор жинслар зичлашади ва цементлашади. Нураш ва цементлашиш зоналаридан пастда тахминан 0,8 км ва ундан чукуррокда куплаб километрларгача ораликларда метаморфизм зонаси жойлашади. Бу зонада магматик ва чукинди тоғ жинслари кучли босим ва температура таъсири остида ўз структурасини, минералогик ва химиявий таркибини ўзгартиради, натижада метаморфик тоғ жинслари пайдо бўлади.
Ташки белгилари ва ётиш шароитларига қараб метаморфик тоғ жинслари магматик ва чукинди тоғ жинслари ичида оралик уринда туради. Улар минерал таркибига кура магматик тоғ жинсларига яқинрок туради. Улар таркибидаги асосий минераллари слюдалар, кварц, хлорит, тальк ва бошқалардир.
Метаморфик тоғ жинсларига кристалл структура ва ўзига хос текстуралар хосдир.
Метаморфик тоғ жинсларининг ҳарактерли текстуралари қуйидагичадир:
1) Қатламли: 2) сланецсимон-пластинкасимон минералларнинг бир текис (бир-бирига паралел) жойлашиши: 3) полосасимон-минераллари поласа формасида қатламлар куринишида бўлади.
Таъсир қилувчи асосий омилларга қараб метаморфизмни қуйидаги гурухларга бўлиш мумкин:

1. 
   Контакт метаморфизми-юкори температура ва кучсизрок босимда юзага келади, бунда ўзгартирувчи асосий куч магманинг температураси ва унинг контактидаги босимидир:
   
2. 
   Динамометаморфизм-тектоник ҳаракат натижасида ҳосил бўладиган кучли босим ва температура таъсирида тоғ жинслари кайта кристалланиб, ўзининг дастлабки структура ва текстурасини ўзгартиради:
   
3. 
   Регионал метаморфизм-жуда ката чукурликда кечадиган ва ер шарининг катта кисмларида тоғ жинсларига юкори босим, юкори температура ва актив моддаларнинг биргаликдаги таъсиридан вужудга келади.
   

4.2. Метаморфик тоғ жинсларининг ётиш формалари.
Чукур ётган магматик тоғ жинсларидан пайдо бўлган метаморфик тоғ жинслари нисбатан дастлабки ётиш ҳолатини саклайди. Чукинди тоғ жинсларининг метаморфизм жараёнида қатламлари ҳолати кучли ўзгаради. Контакт метаморфизимида метаморфизм тоғ жинсларининг магматик жинсларга хос қатлами ҳосил бўлади. Регионал метаморфизмда чукинди қатламлар ҳолатини саклаб колади.
Ер шарининг ҳаракати туфайли метаморфик тоғ жинслари ер юзасига чикиб колиши мумкин. Натижада улар инсонлар қурилиш фаолиятига объект бўлиб колиши мумкин, яъни улар бино ва иншоотлар учун мустахкам қоятошли замин бўлиши мумкин.
Ер ости иншоотларини куришда метаморфик тоғ жинсларининг сланецсимонлиги манфий роль уйнайди.