Самарқанд иқтисодиёт ва сервис институти

Олий нерв фаолияти (ОНФ)
- бош мия катта яяримшарлар пўстлоғи ва 
унга яқин пўстлоқ ости тузилмалар фаолияти, бутун организмнинг ташқи муҳит 
билан мураккаб муносабатларини ва хулқ-атворини таъминлаб туради. 
Марказий нерв системасининг қуйи бўлимларида - пўстлоқ остидаги ядролар, 
мия стволи, орқа мияда - рефлектор реакциялар ирсият йўли билан 
мустаҳкамланган. Катта яримшарлар пўстлоғида нерв алоқалари индивидуал 
ҳаёт жараёнида вужудга келган. ОНФ негизида туғма шарсиз рефлекслар билан 
онтогенез жараёнида орттирилган шартли рефлексларнинг ўзаро муносабати 
ётади. Одамларда махсус онг мазмунини ташкил этувчи суз, математик 
символлар, бадиий адабиёт образлари шаклида ифодаланувчи иккинчи сигнал 
системаси қўшилади. И.П. Павлов И.М. Сеченов ғояларини тараққий еттириб, 
олий нерв фаолияти ҳақидаги таълимотни яратди. 
Орқа мия 
- марказий нерв системасининг умуртқа поғонаси ичида 
жойлашган қисми. Орқа мия бўйин, кўкрак, бел ва думғаза бўлимларидан ибо-
рат бўлиб сегментар тузилишган эга. Орқа мия функционал жиҳатдан рефлек-
тор марказ (ҳаракат, артиниш, ёзилиш рефлекслари ва бошқа рефлексларнинг 
марказлари жойлашган) ва ўтказувчи йўл (бош миянинг турли органлари билан 
боғлаб турадиган толалари бор) бўлиб хизмат қилади. Унинг барча фаолияти 
бош миянинг юқори қисмлари томонидан бошқарилади. 
Ошқозон ости бези, ме ъда ости бези
- икки хил вазифани бажарувчи 
без, овқат ҳазм бўлишда қатнашувчи асосий шира - ошқозон ости бези 
ширасини ўн икки бармоқ ичакка ажратиб туради. Бездаги Лангерганс 
оролчалари томонидан эса тўғридан-тўғри қонга фаол гормонлар (инсулин, 
глюгон, соматостатин, панкреатик полипептид) ишлаб чиқарилади ва улар 
организмда содир бўладиган моддалар ҳамда энергия алмашинувига кучли 
таъсир кўрсатади. 
Резус
- омил - одам ва маймунлардан макаканинг резус қонидаги 
эритроцитларда учрайдиган антиген (агглютиноген). Уни биринчи бўлиб 
австриялик олимлардан К.Ландштейнер ва А.Виннерлар аниқлашган (1940). Бу 
антиген биринчи марта макака - резусда топилганлиги учун унинг номи резус-
фактор деб юритилади. Одамлар қонида у учраса мусбат, учрамаса резус 
манфий деб аталади. Резус - омил наслдан наслга берилади, умр давомида 
ўзгармайди. Резус - мусбат қонга резус - манфий қон қуйилса қон аралаштириш 
билан боғлиқ турли касалликлар юзага келади. 

---

223