Самарқанд давлат университети ҳузуридаги илмий даражалар берувчи phD. 03/30

Диссертация тадқиқотининг диссертация бажарилган таълим муассасасининг илмий-тадқиқот ишлари режалари билан боғлиқлиги. Диссертация иши Тошкент Давлат Ўзбек тили ва адабиёти университетининг Ф3-2016-0914183252 рақамли “Талабалар маънавиятини диагностика қилиш механизмларини такомиллаштириш” мавзусидаги фундаментал лойиҳада доирасида фойдаланилди. (2017-2020 йй.).
Тадқиқотнинг мақсади Лойиҳа таълим технологияси асосида туризм йўналиши талабаларида мулоқотчанлик кўникмаларини ривожлантиришнинг педагогик тизимини такомиллаштиришдан иборат.
Тадқиқотнинг вазифалари:
шахслараро мулоқотчанлик тушунчаси мазмун, моҳиятини аниқлаштириш орқали унинг таркибий асослари ва педагогик психологик хусусиятларини аниқлаштириш;
туризм йўналиши талабаларида мулоқотчанлик кўникмаларини ривожлантириш босқичлари ва мезонларини аниқлаштириш;
лойиҳа таълим технологияси асосида туризм йўналиши талабаларида мулоқотчанлик кўникмаларини ривожлантириш мазмунини ёритиб бериш;
лойиҳа таълим технологияси асосида туризм йўналиши талабаларида мулоқотчанлик кўникмаларини ривожлантириш технологиясини такомиллаштириш ҳамда илмий-амалий тавсиялар ишлаб чиқиш.
Тадқиқотнинг объекти лойиҳа таълим технологияси асосида туризм йўналиши талабаларининг мулоқотчанлик кўникмаларини ривожлантириш жараёни белгиланиб, Самарқанд ва Тошкентдаги олий таълим муассасаларининг талабалари жалб этилган.
Тадқиқот предмети лойиҳа таълим технологияси асосида туризм йўналиши талабаларида мулоқотчанлик кўникмаларини ривожлантириш мазмуни, шакл, метод ва воситаларидир.
Тадқиқотнинг усуллари тадқиқот жараёнида мавзуга оид педагогик, психологик адабиётлар ва таълим тўғрисидаги меъёрий ҳужжатларни (ДТС, низомлар, намунавий ўқув режа ва фан дастурлари) тахлил этиш, муаммоли, кейс стади, лойиха ва вазиятли ролларни ўйнаш, назорат, амалий топшириқлар бажариш, ижтимоий-педагогик (кузатиш, суҳбат, анкета-сўров, тест), тажриба-синов ишини ўтказиш ва олинган маълумотларни математик ва статистик қайта ишлаш методларидан фойдаланилди.