Самарқанд давлат университети тарих ўқитиш методикаси 09 гурух талабаларининг 2020 йил феврал ойида ўтказилган хафталик малакавий амалиёт ҳисоботи

Самарқанд давлат университети тарих ўқитиш методикаси 109 гурух талабаларининг 2020 йил феврал ойида ўтказилган 4 хафталик малакавий амалиёт ҳисоботи

Йўналиш ўқув режасига кўра “Тарих ўқитиш методикаси” 109 гуруҳи талабаларига малакавий амалиёт ўтказилди.

Аввало амалиёт мақсади ва вазифалари бўйича факультетда 2020 йил 3 февраль куни мажлис ўтказилди ва талабаларга уларнинг вазифалари тушунтирилди. Унда факультет декани ўринбосари Д.Мамарасулов ва Археология кафедрасининг мудири т.ф.д. Н.Ў.Холматовлар иштирок этиб, нутқ сўзладилар.
109 гурух талабалари ўз малакавий амалиётларини Самарқанд шаҳридаги 31-ўрта мактабда ўтадилар. 5 февраль куни мактаб педагогик жамоаси билан талабаларнинг учрашуви бўлиб ўтди. Унда мактаб директори М.Жалолова, ўқув бўлими мудири О.Ғаниева, ўқитувчилар М.Исмоилова, З.Абдуллаевалар сўзга чиқдилар ва талабаларни мактаб билан таништириб, улар олдида турган вазифалар ҳақида гапирдилар. Шундан сўнг мактаб маъмурияти томонидан амалиётчиларнинг ҳар бири алоҳида синфларга бириктирилди ва улар синф раҳбарлари билан ҳам таништирилди ҳамда шу режаларни тузишди.
Амалиёт давомида талабалар мактабда йўлга қўйилган ўқув жараёни, синф раҳбарларининг фаолияти, жамоат ишлари ҳамда синфдан ташқари ўтказилаётган тадбирлар билан танишиб, уларда бевосита иштирок этдилар. Амалиёт ҳақида “Овози Самарқанд” (15/II) да хабар ҳам чиқди.
Таъкидлаш лозимки, барча талабалар амалиётда фаол иштирок этдилар. Камида6-7 соатдан тарих фанидан, 2-4 соатдан бошқа фанлардан дарсларга қатнашдилар. Хусусан жамоат ишларида фаоллик қўрсатганлари диққатга сазовор. Масалан, З.М.Бобур таваллудига бағишланган тадбир, “Математика ва информатика” ойлиги муносабати ўтказилган синфлараро ижодий мусобақани уюштириш ва ўтказишда фаоллик кўрсатдилар.
Умуман олганда амалиётчи-талабалар мамлакатимизда йўлга қўйилган ўрта мактаб тизими ва унинг фаолияти тўғрисида етарлича маълумот олдилар. Буни биз талабалар томонидан ҳар куни тўлдирилиб борилган кундаликларидаги ёзувлардан хулоса қилишимиз мумкин.
31-ўрта мактабда амалиёт 29 февраль куни якун топди ва мактаб маъмурияти ҳамда ўқитувчилар билан ҳамкорликда талабалардан 14 киши “5” ва 12 киши “4” баҳо қўйилди (баҳолаш қайдномаси илова қилинади).
Малакавий амалиёт давомида кафедра мудири Н.Ў.Холматов ва ўқитувчи А.Бердиевлар ҳам мактабда бўлишди.
Хулоса қилиб айтганда 109 гуруҳнинг малакавий амалиёт мувафаққиятли ўтди.
Амалиёт раҳбари: к.ўқит. Шарипов С.И.