Самарқанд давлат архитектура қурилиш

«So’roq belgisi» kabi korxonalarni 
strategiyasiga 
nisbatan 
tadbir 
- 
choralar hujumkor investisiyani 
kiritish 
orqali 
uni 
«yulduzga» 
aylantirishdan 
yoki 
resurslarni 
boshqa istiqbolli biznesga yo’naltirib, 
undan voz kechishdan iborat. 

---

258 
Bunday vaziyatda BKG quyidagi ikki strategik variantlarni qo’llash 
mumkin deb hisoblaydi: 1) investisiyaning hujumkor strategiyasidan 
foydalanish va uni kengaytirish, tarmoqning tez o’sish imkoniyatlaridan 
foydalanish; 2) agar ishlab chiqarish quvvatlarini oshirish va bozor 
ulushini kengaytirish xarajatlari potensial foydadan yuqori bo’lsa, 
korxonadan voz kechishga to’g’ri keladi. Agar muammoli korxona 
(biznes) tezkor o’sish strategiyasini amalga oshira olmasa va bozor 
ulushini o’stirish imkonini topa olmasa, u yirik firmalar bilan past 
xarajatlar yo’nalishida raqobatlasha olmaydi. Bunday vaziyatda ushbu 
biznes birligida voz kechishdan boshqa iloj qolmaydi. BKG 
strategiyalari «so’roq belgisi» («muammoli bolalar») kabi korxonalarga 
nisbatan quyidagi tavsiyani beradilar. Agar zaif biznes birligi o’qitish 
egri chizig’i bo’yicha sardorlarni quvib yetish imkoniga ega bo’lmasa, 
ulardan voz kechish lozim. Katta o’sish potensialiga ega ertangi kun 
«yulduzlariga» yirik investisiyalarni kiritish maqsadga muvofiq.
 
«Yulduzlar».
Katta nisbiy bozor ulushiga va tezkor o’sish 
imkoniyatiga ega korxonalar BKG tasnifi bo’yicha «yulduzlar» guruhiga 
kiradi. Chunki ular yuqori foyda va tezkor o’sish bo’yicha a’lo darajali 
imkoniyatlarga ega. Kompaniya o’z buyurtma portfelini samaradorligini 
oshirishda aynan shu xo’jalik birliklariga tayanadi. «Yulduzlar»ning 
bozordagi mavqeini va bozor ulushini inobatga olsak, ishlab chiqarishni 
kengaytirish va aylanma mablag’larga bo’lgan ehtiyojni qoplash uchun 
ular katta naqd pul hajmini talab qiladi. Lekin ular past xarajatli 
bo’lganligi sababli katta naqd pul oqimini ham ta’minlaydi. Ba’zi 
bizneslar ichki naqd pul ehtiyojini o’zlari qoplaydilar boshqalar esa, bosh 
kompaniyadan investisiyalarni talab qiladi. Odatda kuchli bozor 
mavqeiga ega bo’lib, o’sish tezligi sekinlashib borayotgan bizneslar bosh 
kompaniyani investisiyalarini talab qilmaydi. Lekin shakllanish 
jarayonida bo’lgan yosh «yulduzlar» katta hajmdagi investisiya kapitalini 
talab qiladi.