Салық ҳәм салыққа тартыў пәнинен мәселелер

Темаға байланыслы мәселелер.
1-мәселе. Дәнияров Амантай март айында Нөкис қаласы Таслақ елатынан 250 кв.м. майданға ийе турақ жай сатып алды. Сатып алынған турақ жай техникалық инвентаризациялаў бюросы қәнигелери тәрепинен баҳаланбаған.


Анықлаў керек:
Мал-мүлк салығы суммасын анықлаң ҳәм пухара Дәнияров Амантай ушын канша муғдарда мал-мүлк салығын төлеўи керек екенлигин ҳәм төлеў мүддетин көрсетиң?


2-мәселе. Раматуллаев Ислам апрель айында Шымбай районы Тағ-жап елатынан 320 кв.м. майданға ийе турақ жай сатып алды. Сатып алынған турақ жай техникалық инвентаризациялаў бюросы қәнигелери тәрепинен 6 750,0 мың сўм етип баҳаланған.


Анықлаў керек:

Мал-мүлк салығы суммасын анықлаң ҳәм төлеў мүддетин көрсетиң?

3-мәселе. «Өзбекстан Қаҳарманы» атағына ийе болған пухара Тахтакөпир районында өзиниң атына рәсмийлестирилген майданы 430 кв.м. ге ийе болған турақ жайда жасайды. Турақ жай техникалық инвентаризациялаў бюросы қәнигелери тәрепинен 7 150,0 мың сўм етип баҳаланған.
Анықлаў керек:

1)Мал-мүлк салығы суммасын?

2)Салық сўммасын төлеў мүддетин?


4-мәселе. 1941-1945-жыллардағы урыс қатнасыўшысы болған пухараның Хожели районында майданы 230 кв.м. ге ҳәм Нөкис қаласында майданы 480 кв.м. ге өзиниң атына рәсмийлестирилген турақ жай имараты бар. Хожели районындағы турақ жай техникалық инвентаризациялаў бюросы қәнигелери тәрепинен 6 250,0 мың сўм етип, Нөкис қаласындағы турақ жай 13 420,0 мың сўм етип баҳаланған. Пухара Нөкис қаласындағы турақ жайда жасайды.
Анықлаў керек:

1)Мал-мүлк салығы суммасын?

2)Салық сўммасын төлеў мүддетин?
3)Салық салыў базасын?


5-мәселе. Өтегенов Өсербай май айында Қараөзек районынан 190 кв.м. майданға ийе жаңадан салынған турақ жай сатып алды. Жаңадан салынған турақ жай көшпес мүлкке болған ҳуқықты мәмлекетлик дизимнен өткериўши органларда белгиленген тәртипте дизимге алынбаған. Сатып алынған турақ жай техникалық инвентаризациялаў бюросы қәнигелери тәрепинен баҳаланбаған.


Анықлаў керек:

1)Мал-мүлк салығы суммасын?

2)Салық сўммасын төлеў мүддетин?
3)Салық салыў базасын?


6-мәселе. Пухара Нурсейитов Азамат январь айынан баслап Кегейли районында 510 кв.м. майданға ийе болған жайда жасап келмекте. Турақ жай техникалық инвентаризациялаў бюросы қәнигелери тәрепинен баҳаланбаған.


Анықлаў керек:

1)Мал-мүлк салығы суммасын?

2)Салық сўммасын төлеў мүддетин?
3)Салық салыў базасын?


7-мәселе. Пухара Пиржанов Арысланбай Ишки ислер бөлими тараўында хызмет етип бүгинги күнде ҳүрметли дем алыста. Пухара Пиржанов Арысланбай сентябр айында Қараөзек районынан 510 м.кв майданға ийе болған турақ жай сатып алды. Сатып алынған турақ жай техникалық инвентаризациялаў бюросы хызметкерлери тәрепинен баҳаланбаған.
Мал- мүлк салық сўммасын есаплаң ҳәм пухара Пиржанов Арысланбай қанша муғдарда салық төлеўи лазым болады?


8-мәселе. Пухара Данияров Сәтбай өз жеке автомашинасы ушын гараж сатып алды. Гараждың майданы 50 кв.м. белгиленген қуны 2130 мың сўмды қурайды.
Пухара Данияров Сәтбай қанша муғдарда мал-мүлк салығын төлеўи лазым?